Хой
Сынньанар, олоҕунан дуоһуйар кэмиҥ кэлбит. Сылаалаах үлэттэн илистибиккин. Чугас дьоҥҥун, аймахтаргын кытта айаҥҥа турунуоххун сөп. Таҥаскын-сапкын көрүнэ сырыт. Чараастык сылдьан арай дьаҥнаан хаалыаххын сөп.
Оҕус
Докумуону кытта үлэҕэ сэрэхтээх буоларыҥ ирдэнэр. Саарбахтыыр дьыалаларгар ылсыбатыҥ, илии баттаспатыҥ ордук. Дьиэ атыылаһар, өрөмүөннүүр ыарахаттардаах буолуоҕа.
Игирэлэр
Былаанын элбэх, саҥа идиэйэлэр ыраахха диэри санааҕын кынаттыыллар. Арай аттыгар баар дьонуҥ ону өйдөөбөттөр. Эн курдук олоҕу чэпчэкитик ылымматтар. Онтон санааҕа ылларар сатаммат, кыра да хардыыларынан иннин диэки баран иһэриҥ наада.
Араак
Уустук кэм бүрүүкээбит. Үлэҕэ-хамнаска сатамньыта суох күннэр. Дьиэҕэр-уоккар киҥир-хаҥыр саҥарсыы да баар. Барытын хаалларан ханна эрэ ыраах барыаххын санаталыыгын. Ол эрээри бэйэ бодотун тардынан бу уустук кэми холкутук аһарынар туһалаах.
Хахай
Бырааһынньык тыына номнуо биллэн дьиэҕин-уоккун киэргэтиэх, тупсарыах санааҥ киирэр. Бадаарак, бэлэх-туһах көрдүү да барарга бэлэмҥин. Арай харчыттан иҥниэххин сөп. Онон барытын былааннаан, сааһылаан, дьиэтээҕи бүдьүөтү көрөн туттарыҥ ордук.
Кыыс
Эн сүбэлэргин дьон ылынар. Онон сүбэ-ама, онтон да атын туһалаах дьарыгынан ылыстаххына киэҥник биллиэххин сөп. Ас астыыргын, тус биисинэһинэн дьарыктанар дьоҥҥо ситиһиилээх кэм.
Ыйааһын
Чугас дьоҥҥун, доҕотторгун кытта алтыһыы үчүгэй эрэ өттүнэн дьайыаҕа. Кинигэ ааҕыыта, оҕолорунан дьарыктаныы үтүө түмүктэрдээх буолуоҕа. Сылаас чэй, итии аһылык санааҕын эрэ кынаттыыр.
Скорпион
Дьоҕурдаах, бээлэрин сайыннаралларыттан куттаммат скорпионнарга ситиһиилээх кэм. сырдык сулус суолгутун сырдатар кэмэ. Ылсыбыт дьыалаҥ ыпсар кэмэ.
Охчут
Чугас киһигин кытта сыһыаныҥ тыҥаабыт. Өйдөспөт буолууга куруук бэйэҕин буруйданаргын тохтот. Аттыгар баар аҥарыҥ куруук сөпкө этэр буолумуон сөп. Бэйэҥ санааҕын этэ, туруорса үөрэн.
Чубуку
Тус олох диэн тугуй диигин. Соҕотох ыраах баран хаалыаххын баҕараҕын. Үлэ күөстүү оргуйар. Онуоха күүппэтэх өттүттэн аймахтарыҥ кэлэн соһутуохтара. Ол эрээри олох уу-чуумпуп буоллаҕына аны чуҥкуйан бараҕын.
Күрүлгэн
Туора дьон санаатын аһары чугастык ылынар наадата суох. Искэр иитиэхтии сылдьыбыт урукку былааннаргын олоххо киллэриэххин сөп. Саарбахтыыр, уһатар-кэҥэтэр олох хаамыытын бытаардар.
Балыктар
Тоҥмот-хаппат курдук ичигэстик таҥна сырыт. Бу күннэргэ балыктарга сэрэхтээх кэмнэр. Онон чуумпутук, сылаас сиргэ холкутук олорон саҥа сылы көрсө былааннаргын сааһылаа.