ХОЙ
Сынньанар, олоҕунан дуоһуйар кэмиҥ кэлбит. Сылаалаах үлэттэн илистибиккин. Чугас дьоҥҥун, аймахтаргын кытта айаҥҥа турунуоххун сөп.
ОҔУС
Докумуону кытта үлэҕэ сэрэхтээх буоларыҥ ирдэнэр. Саарбахтыыр дьыалаларгар ылсыбатыҥ, илии баттаспатыҥ ордук.
ИГИРЭЛЭР
Дьон санаатыттан тутулуктаммакка, санаабыт дьыалаҕын ситиһэргэ кыһан. Саҥа мал-сал атыылаһыаххын сөп. Харчыга табыллар күннэриҥ.
АРААК
Хаһаайыстыбаҕа сыһыаннаах буоллаххына, оҕуруот үлэтэ, дьиэ иһигэр-таһыгар саҥардыы үлэлэрэ ситиһиини аҕалыахтара.
ХАХАЙ
Бииргэ үөрэммит, алтыспыт дьоҥҥун көрсүөҥ. Бириэмэҕин сэргэхтик, интэриэһинэйдик атаарыаҥ. Айылҕаҕа сылдьыы, сынньаныы туһалаах буолуоҕа.
КЫЫС
Өрөмүөҥҥэ, дьиэ кырааскалааһыныгар сэрэхтээх буол. Эчэйиэххин эбэтэр аллергиялыаххын сөп. Онон арыый сынньалаҥнык сырыт.
ЫЙААҺЫН
Чугас дьоҥҥун, доҕотторгун кытта алтыһыы үчүгэй эрэ өттүнэн дьайыаҕа. Кинигэ ааҕыыта, оҕолорунан дьарыктаныы үтүө түмүктэрдээх буолуоҕа.
СКОРПИОН
Успуордунан дьарыктаныы олус туһалаах буолуоҕа. Эн дьону кытта сыһыаҥҥар барытын көнөтүнэн этэр эбиккин. Ити хаачыстыбаҕын ардыгар дьон өйдөөбөт, ылыммат.
ОХЧУТ
Эн сүбэҕин-амаҕын дьон ылынар. Онон чугас доҕотторгор үтүө сүбэлэриҥ туһалаах буолуохтара. Үөрэххэ, үлэҕэ табыллыы, сүргэ көтөҕүллэр кэмэ.
ЧУБУКУ
Хомолтоҕун искэр тута сылдьыма. Аһаҕастык санааҕын үллэстэ үөрэн. Бу күннэргэ үчүгэй сонуну истиэҥ.
КҮРҮЛГЭН
Тиэхиньикэҕэ сыһыаннаах күрүлгэннэргэ табыллыы кэмэ. Массыына ыытар быраабы туттарыы эксээмэнин ситиһиилээхтик туттарыаххын эбэтэр саҥа массыына атыылаһыаххын сөп.
БАЛЫКТАР
Алыс итии күннэргэ мээнэ быгыалыыр, айылҕаҕа сылдьар сэрэхтээх. Онон сөрүүҥҥэ, чуумпуга сылдьа сатааҥ. Ыраахтан аймахтар кэлиэхтэрин сөп.