Нэдиэлэтээҕи гороскоп (сэтинньи 4-11 күннэрэ)

05.11.2020
Бөлөххө киир:

Хой

Доруобуйаҕын харыстана сылдьарыҥ наада. Дьаҥ-дьаһах батыһыан сөп. Эрдэттэн маны туоратарга кыһан. Үлэҕэр-хамнаскар уустук кэмнэр бүрүүкээбиттэр. Быһаарыныы ылыныаххын наада.

Оҕус

Бу күннэргэ тиэхиньикэҕэ чугаһыыр сэрэхтээх. Ыраах айаҥҥа барартан туттунарыҥ ордук. Чугас дьонуҥ былааннаргын өйүүллэр.

Игирэлэр

Эн сылаалаах үлэттэн сылайбыккын. Онон быыс булан сынньана сатаа. Тулалыыр дьонуҥ өйдөөбөттөрүттэн кыйыттаҕыҥ, санааҥ оонньуур. Дьонтон арыый тэйэ туттан санааларгын сааһылаа.

Араак

Дьоҥҥо наһаа эрэнэн ис санааҕын кэпсиириҥ атын өттүнэн эргийиэн сөп. Онон арыый бэйэ бодотун тардына сырыт. Хопко-сипкэ кыттыһыма.

Хахай

Тулалыыр дьонуҥ эйигин кэтииллэр, ситэри билбэт дьонуҥ угаайыларыгар киирэн биэриэххин сөп. Онон бу күннэргэ докумуоҥҥа сэрэхтээх буол.

Кыыс

Айылҕаҕа сылдьыаххын, дуоһуйа сынньаныаххын саныыгын. Ол эрээри үлэ күөстүү оргуйар. Тохтуу түс. Сотору баҕа санааҕын толороргор тоҕоостоох түгэн тосхойуо.

Ыйааһын

Бэйэ доруобуйатыгар болҕомто уурарга, билиини хаҥатарга уолдьаспыт. Дьиэ-уот кыһалҕата кыһарыйбыт. Оҕолоргор болҕомтото уур.

Скорпион

Айылҕаҕа сылдьан сынньанан холкутуйар наада. Битэмииннээх аһылыгы аһаан, успуордунан дьарыктанан бэйэҕин бөҕөргөтөргө кыһан.

Охчут

Эйиэхэ хом саныыр дьон баар эбит. Онон аймахтары хомоппот туһуттан арыый киэҥ көҕүстээх буоларга кыһан. Бу кыһамньын кэлин туһалыаҕа.

Чубуку

Бэйэҕэр бүгэн хаалыма. Саҥа саҕалааһыннар ситиһиилээх буолуохтара. Доруобуйаҕын көрүнэ сырыт.

Күрүлгэн

Дьон ытыктабылын сүтэрбэт туһуттан эрдэттэн кыһан. Дьоҥҥо болҕомтолоох сыһыан, кыра да буоллар көмө махталлаах буолуоҕа. Ыраах айан кэтэһэр.

Балыктар

Үлэҕэ-үөрэххэ дьулуурдаах буол. Эппит тылгар турарга кыһан. Бу күннэргэ саҥа атыыласпыт малыҥ уһуннук сулууспалыа.

edersaas.ru

+1
0
+1
0
+1
0
+1
0
+1
0
+1
0
+1
0