Хой
Бу күннэргэ бары болҕомтоҕун ууран доруобуйаҕын көрүнэриҥ наада. Кыра быстах-остох кыһалҕаларга ньиэрбэҕин бараама. Дьону кытта түргэнник уопсай тылы булар аһаҕас майгыҥ саҥа дьыаланы саҕалыыргаар көмөлөһүөн сөп.
Оҕус
Хаһаайыстыбаҕа сыһыаннаах буоллаххына дьиэ иһигэр-таһыгар үлэлэр ситиһиини аҕалыахтара. Дьоҥҥо наһаа итэҕэйэр, эрэнэр наадата суох. Урукку алҕастаргын хатылаабатыҥ ордук.
Игирэлэр
Дьон санаатыттан тутулуктаммакка санаабыт дьыалаҕын ситиһэргэ кыһан. Кыра да ситиһииттэн үөрэр үтүө өрүтүҥ саҥа дьону кытта билсэргэр, бодоруһаргар көмөлөһөр. Кэлэр нэдиэлэ саҥата тылга киирсибэккэ, арыый туттуна сырыт.
Араак
Доруобуйаҕар, тус олоххор уустук кэм. Чугас дьонуҥ болҕомто уурбаттарыттан санааҥ оонньуон сөп. Эн куруук эйигин тула элбэх киһи, үгүс доҕор мустарыгар үөрэммиккин. Соҕотохсуйуу ардыгар эмиэ көмөлөһөр.
Хахай
Бииргэ үөрэммит, алтыспыт дьоҥҥун көрсүөҥ. Киинэҕэ сылдьан, эбэтэр чугас доҕотторгун көрсөн сэргэхсийиэҥ.
Кыыс
Ыарахан үлэттэн толлубаккын. Дьиэҕин-уоккун тупсарыаххын, тугу эрэ эбии оҥоруоххун санаталыыгын. Үп-харчы ордорунан баҕа санааҕын олоххо киллэрэргэ кыһан.
Ыйааһын
Чугас дьоҥҥун, доҕотторгун кытта алтыһыы үчүгэй эрэ өттүнэн дьайыаҕа. Хаһаайыстыбаҕар, дьиэҕэр-уоккар эппиэтиинэстээх буоларгын умнума, чугас дьонуҥ эн болҕомтоҕор наадыйаллар.
Скорпион
Үтүө сонуннары истэн санааҥ көтөҕүллүө. Үлэҕэр-хамнаскар барыта этэҥҥэ. Үлэҕинэн үрдүөххүн сөп. Аҕам саастаах аймахтарыҥ сүбэлэрин иһит.
Охчут
Чугас доҕотторгор үтүө сүбэлэриҥ туһалаах буолуохтара. Үөрэххэ, үлэҕэ табыллыы күүтэр. Ол эрээри харчыгын харыстаан тутун, мээнэ матайдаама.
Чубуку
Бу күннэргэ ыраах айанныаххын сөп. Айаҥҥа саҥа билсиһиилэр, кэскиллээх кэпсэтиилэр күүтэллэр. Аһары аһаҕас, итэҕэйимтиэ буолар наадата суох.
Күрүлгэн
Харчыттан сылтаан доҕотторгун кытта тыҥааһыннаах сыһыан үөскүөн сөп. Ол туһуттан кыттыгас биисинэс туһунан толкуйдаабатыҥ ордук.
Балыктар
Олоххо көрүүгүн уларытан, арыый атын хараххынан буола турар быһыыны-майгыны ылынарыҥ наада. Соҕотох балыктары саҥа билсиһии күүтэр.
edersaas.ru