Хой. Барытыттан сэрэхтээх буолуҥ, доруобуйаҕытын харыстааҥ. Олоххутугар улахан уларыйыылары киллэримэҥ, кэмэ кэлэ илик. Чугас дьоҥҥутун кытта этиһиэххитин, мөккүһүөххүтүн сөп. Ол эрээри, сотору кэминэн барыта оннугар түһүө, этэҥҥэ буолуо.
Оҕус. Уруккуттан ыралаабыт баҕа санааларгыт туолуохтара. Өр көрсүбэтэх доҕотторгутун кытта көрсүҥ, сынньаныҥ, кинилэр эһигини үтүө сонуннарынан үөрдүөхтэрэ.
Игирэлэр. Саҥа дьыалалары саҕалаамаҥ, докумуоннарга илии баттаамаҥ. Бу нэдиэлэҕэ тапталга табыллыы күүтэр. Соҕотох сылдьар дьон сүрэхтэрин аҥаарын көрсүөхтэрин сөп диэн сулустар кэпсииллэр.
Араак. Сонуннаргытын, санааларгытын саарбахтыыр дьоҥҥутун кытта үллэстимэҥ. Эһиги туһунан куһаҕан сурахтар барыахтарын сөп. Наһаа элбэҕи эрэннэрэр дьонтон тэйиччи туттуҥ. Үп-харчы боппуруостарын быһаарыҥ.
Хахай. Саҥа дьыалалары саҕалыырга тоҕоостоох кэм кэлбит. Бэйэҕитигэр саҥа талааны арыйыаххытын сөп. Сөбүлүүр дьарыккытыгар бириэмэтэ анааҥ, үтүө түмүктэри аҕалыаҕа. Чугас дьоҥҥутугар көмөлөһүҥ.
Кыыс. Кыра кыһалҕаларга бэринимэҥ, эрэллээхтик иннигит диэки хардыылаан иһиҥ. Былааннаммыты барытын тиһэҕэр тиэрдэ сатааҥ, барыта табыллыаҕа. Саҥа таҥас-сап, иһит-хомуос, миэбэл атыылаһыҥ – уоскуйуоххут, сынньаныаххыт, санааҕыт көтөҕүллүө!
Ыйааһын. Үүммүт нэдиэлэ саҥа санаалары, кыахтары аҕалыаҕа. Дьылҕаны уларытар көрсүһүү күүтэр диэн сулустар кэпсииллэр. Нэдиэлэ ортото айан суола күүтэр, үп-харчы кэлиэҕэ.
Скорпион. Кыра кыһалҕаларга болҕомтоҕутун уурумаҥ, кыһанымаҥ – барыта ааһыаҕа. Былааннаргыт туолумуохтарын сөп. Эһигини үөрдэр, үтүө эрэ сонуннары үллэстэр дьону кытта алтыһыҥ.
Охчут. Сылайбыт, кыаххыт бараммыт курдук сананыаххытын сөп. Сынньаныҥ, үлэлии, бара-кэлэ сатаамаҥ. Кылгас кэм иһигэр барытын ситиһиэххит. Нэдиэлэ ортото үтүө сонуну истиэххит.
Чубуку. Мөккүһүмэҥ, этиһимэҥ! Хотторуулаах, буруйдаах буолан тахсыаххыт. Чуумпуга сылдьа сатааҥ, сааһыланыҥ. Чугас дьоҥҥутуттан үгүһү көрдүү сатаамаҥ, иирсии, айдаан төрдө буолуоххут.
Күрүлгэн. Үлэҕитигэр эһиги тускутугар уларыйыылар күүтэллэр. Наадалаах диэбиккитин ситиһиҥ, тиһэҕэр тиэрдиҥ. Бу нэдиэлэҕэ интэриэһинэй көрсүһүүлэр буолуохтара. Сүрэххит аҥаарын була илик дьон тапталгытын көрсүөххүтүн сөп.
Балыктар. Саҥа бырайыактарга үлэлэһимэҥ, албыннатыаххытын сөп. Атын дьон иирсээнигэр киирэн биэриэххитин сөп, онон атын дьон кыһалҕатын быһаарарга ыксаамаҥ. edersaas.ru