ХОЙ
Элбэх мөккүөрдээх уустук кэми этэҥҥэ тулуйан аһарыннаххына, инникитин элбэҕи ситиһиэҥ. Ханнык да түгэҥҥэ бэйэни туттунар ордук. Дьаҥ-дьаһах сыстыан сөп. Харыстанарыҥ наада.
ОҔУС
Чуумпу, холку нэдиэлэ үүнүөҕэ. Билигин эйиэхэ чугас дьоҥҥун кытта алтыһыы сүрүн миэстэни ылар. Үпкэ-харчыга сыһыаннаах дьыаланы кэлэр нэдиэлэҕэ диэри тохтоторуҥ ордук. Элбэҕи, саҥаны былааннаама.
ИГИРЭЛЭР
Сулустар саҥа билсиһиилэри, истиҥ кэпсэтиилэри эрэннэрэллэр. Үлэҕэр, дьиэҕэр-уоккар барыта этэҥҥэ. Саҥа малы-салы атыыласпытыҥ уһуннук сулууспалыа.
АРААК
Уустук кэм бүрүүкээбит. Эн тускунан дьон арааһы кэпсэтэр, ырытар буолбут. Онуоха бэйэҥ аһаҕас санааҥ, аһары эрэнэр судургу майгыҥ олук уурбуттар. Кылгас кэмҥэ дьонтон тэйэ тутун.
ХАХАЙ
Дьон хараҕын далыгар, болҕомтотугар сылдьыаҥ. Тугу санаабытыҥ сатанар кэмэ. Уһун быһаарыныыны ылынар дьыалаҥ түмүктээх буолуоҕа. Онон инниҥ диэки кимэн ис.
КЫЫС
Интэриэһинэй көрсүһүүлэр күүтэллэр. Саҥа билсиһии инники олоҕуҥ суолугар улахан оруоллаах буолуоҕа. Эбии үөрэххэ үөрэнии мэһэйдиэ суоҕа. Үлэҕэр-хамнаскар туһалаах кэпсэтии тахсыаҕа.
ЫЙААҺЫН
Күннээҕи үлэ-хамнас, дьиэ-уот кыһалҕата үгүс. Ол эрээри быыс булан доҕоттору кытта көрсүһэр, аралдьыйар наадатын умнума. Доруобуйаҥ этэҥҥэ.
СКОРПИОН
Саҥа идиэйэлэри олоххо киллэрэр кэм. Скорпионнарга тугу ылсыбыттара барыта ситиһиини эрэ кэрэһилиир. Санааҥ күүһүгэр итэҕэй. Биисинэс эйгэтигэр табыллыаҥ.
ОХЧУТ
Урут быһаарбатах дьыалаҥ күөдьүйэн тахсыаҕа. Онуоха эбии атын дьон кыһалҕатын олус чугастык ылынар аһыныгас майгыҥ мэһэй буолуоҕа.
ЧУБУКУ
Кыратык да быыс булан сынньаныаххын саныыгын, арай олоҕуҥ аттыгынан устан ааһыах курдук. Холкутаан, тулаҕын көрүн. Эйиэхэ көмөлөһүөн, өйүөн баҕалаах элбэх.
КҮРҮЛГЭН
Нэдиэлэ иккис аҥаара үөрэххэ, үлэҕэ тоҕоостоох. Сүрэҕэлдьиир санааҕын киэр кыйдаа. Сайдарга, тупсарга дьулус. Саҥа таҥас эбэтэр уруккуттан ымсыырбыт малгын атыылаһыаххын сөп.
БАЛЫКТАР
Наһаа кыраттан санааҕын түһэрэр мөлтөх хаачыстыбаҕын суох гынарга кыһан. Онтон сылтаан доруобуйаҥ айгырыан сөп. Бэйэҕин кэтэнэ, көрүнэ сырыт.
edersaas.ru