Нэдиэлэтээҕи гороскоп (алтынньы 1 —8 күннэрэ)

Ааптар: 
Бөлөххө киир:

ХОЙ 

Санаабыккар, толкуйдаабыккар ылыс. Табыгастаах күннэр баҕа санааҥ туоларыгар көмөлөһүөхтэрэ. Ол да буоллар, үлэҕинэн эрэ үлүһүйүмэ. Хамсан-имсэн, дьарыктан. Аскын-үөлгүн көрүн. Аҕыйах хонукка оҕуруот аһынан аһаа. Ол доруобуйаҕын чэбдигирдэргэр көмөлөһүө. Эбиитин сөпкө туран-олорон сырыттаххына, күүс-уох үөһээттэн кутуллан киириэ. 

ОҔУС 

Бу күннэргэ тугу барытын ааһан иһэн оҥороргуттан бэйэҥ да сөҕүөҥ. Ол эрээри, тус олоххор болҕомтолоох буол. Дьолгун бэйэҥ оҥостоҕун. Тугум эрэ табыллыа суоҕа диэн кэтэмэҕэйдээмэ, суланымаОну дьоҥҥо кэпсээн оҥостума. Ордук бу күннэргэ тугу барытын уһаппакка-кэҥэппэккэ лоп бааччы быһааран истэххинэ, бэйэҕэр эрэлиҥ күүһүрэн барыа.  

ИГИРЭЛЭР 

Улаханы атыылаһыаххын баҕараргын тохтото түһэриҥ ордук. Ол оннугар билиигин-көрүүгүн хаҥатын, үлэҕэр болҕомтоҕун уур. Чугас доҕоргун кытары сыһыаҥҥын тупсарыаххын баҕарар буоллаххына, ис дууһаҕыттан холкутук кэпсэтэргэ кыһалын. Ыраахтан истибит сонуҥҥуттан санааҥ улаханнык көтөҕүллүө.  

АРААК 

Үлэҕин мунньума, бүтэрэн ис. Үөрэнэн хаалбыт кэмэлдьигин уларытарга кыһалын. Бу күннэргэ саҥа билсиһииттэн, көрсүһүүттэн туттунан эрэриҥ ордук. Ол оннугар болҕомтоҕун чугас дьоҥҥор, дьиэ кэргэҥҥэр уур. Дьонуҥ эн сүбэҕэр наадыйаллар. Эбии харчылаһар кыахтаннаххына да, үпкүн-харчыгын көрүнэн, суоттанан тутун.  

ХАХАЙ 

Тус сыһыаҥҥыт тымныйбытыттан, үлэҕин аахайбат курдук буолуоҥ. Билэр дьоҥҥун кытары иирсиэххин да сөп. Ыһыллан хаалбыккын кэллиэгэлэриҥ, салалтаҥ бэлиэтии көрүөхтэрэ. Ол да буоллар, ис санааҕын мээнэ аһыма. Кэпсээн оҥостуохтарын сөп. Олус санаарҕаама, бу сотору ааһыа. Кылаабынайа, доруобуйаҕын көрүн, таҥаскын-сапкын бэрий. 

КЫЫС  

Хаһааҥҥытааҕар да санааҥ-онооҥ көтөҕүллүө. Чуумпуга, айылҕаҕа тахсан ис сүрэххиттэн астына-дуоһуйа сынньаныаххын баҕарыаҥ. Ыраахтан үчүгэй сонуну истиэҥ. Үлэҕэр санааҥ хоту буолан үөрдүө. Өрөбүллэргин чугас дьоҥҥун кытары бииргэ атаар. Түүлгэр улахан болҕомтоҕун уурума. Сотору бириэмийэ эбэтэр кэһии тутуоҥ. 

ЫЙААҺЫН 

Туохтан барытыттан кыыһырыах санааҥ кэлэр. Ньиэрбэнэйдээтэххинэ доруобуйаҥ биллэ мөлтөөн-ахсаан барыа. Онон сөбүлүүр дьарыккынан дьарыктан уонна сэрээккэлээ. Оттон киэһээтин чугас дьоҥҥун кытары ирэ-хоро сэһэргэс. Үтүө сонун санааҕын көтөҕүө. Харчыны иэс биэримэ даҕаны, ылыма даҕаны. 

СКОРПИОН 

Үлэҕэр-хамнаскар ситиһии тосхойор. Онуоха күүс-уох эбиллэн, саҥа, сонун санаалар киирэллэр. Кэллиэгэлэриҥ  ону биһирии истиэхтэрэ, салалтаҥ бэлиэтиэ. Сулумах сылдьааччылары интэриэһинэй билсиһии күүтэр. Тус олоҕуҥ туһунан дьоҥҥо-сэргэҕэ кэпсии сатаама. Түүлгэр-биккэр болҕомтолоохтук сыһыаннас.  

ОХЧУТ 

Талааҥҥын, дьоҕургун, сатабылгын көрдөрөргөр табыгастаах күннэр үүммүттэр. Ситиһиилэниэҥ, болҕомтоҕо ылыллыаҥ. Өссө саҥа доҕоттордонуоҥ. Кинилэр үөскээбит харгыстары, мэһэйдэри туоратаргар көмөлөөх буолуохтара. Оттон урукку доҕотторгун көрсөн хаһан эрэ иирсибиккитин, хомойбуккун санаттаххына, буруйдаах бэйэҥ буолуоҥ.    

ЧУБУКУ 

Бу күннэргэ элбэҕи ситиһиэҥ. Үлэ буоллун, үөрэх буоллун. Онуоха саҥа билсиһии, истиҥ көрсүһүү күүтэр. Онтон кынаттаммыт кэриэтэ сананыаҥ. Ол эрээри, сонуҥҥун билэр дьоҥҥор, кэллиэгэлэргэр ыһа-тоҕо кэпсээмэ. Сурах-садьык баран, чугастааҕы былааҥҥар мэһэйдиэ. Доруобуйаҕар, тас көрүҥҥэр, таҥаскар-сапкар болҕомтоҕун уур.  

КҮРҮЛГЭН 

Чугас дьонуҥ тугу этэллэрин болҕойон иһит, кинилэр тугу сэҥээрэллэрин билэргэ кыһалын. Бу өрөбүллэргин эмиэ кинилэри кытары атаар. Дьиэҕитигэр тугу эмэ бииргэ оҥоруҥ. Оччоҕуна дьиэ иһинээҕи эйгэ тупсуо, ол барыгытыгар үчүгэйинэн дьайыаЫраах айаҥҥа барартан туттунан эрэриҥ ордук. 

БАЛЫКТАР 

Ис санааҥ уларыйа сылдьар. Саҥаны, сонуну истиэх-билиэх баҕаҥ хаһааҥҥытааҕар да улааппыт. Ол да буоллар, онно-манна барартан-кэлэртэн туттунан эрэриҥ ордук. Элбэх киһи мустар сиригэр ордук өрөбүл күннэргэ сылдьыма. Дьиэҥ ис бараанын уларытыаххын сөп. Үчүгэйи, табыллыыны аҕалыа.    

+1
0
+1
0
+1
0
+1
0
+1
0
+1
0
+1
0