Нэдиэлэтээҕи гороскоп (атырдьах ыйын 27 — балаҕан ыйын 3 күннэрэ)
ХОЙ
Төһө да бары эйигин утардыннар, эн бэйэҥ эппиккинэн буолуоҕа. Өсөһөҥҥүн, сөптөөх суолу тутуһуоҕуҥ. Бу эйиэхэ дьолу эрэ аҕалыаҕа. Онон санаарҕыыр кэм суох!
ОҔУС
Эн наһаа сылайбыккын. Сынньаныаххын баҕараҕын. Ол гынан баран, тулуйа түһүөххүн наада. Барыта этэҥҥэ буолуоҕа! Билигин кылаабынайа, саамай наадалаах диэбиккин тутус.
ИГИРЭЛЭР
Бу нэдиэлэҕэ хайдах эрэ туман быыһыгар сылдьар курдук буолуоҥ. Онон үлэҕэр уонна дьону кытары кэпсэтэргэр, болҕомтолоох буолуоххун наада.
АРААК
Олоҕум табыллыбата, хайдах эрэ барыта сатаммат диир күннээх буоллаххына, бэйэҕэр наһаа бүгүмэ. Баар кыһалҕалары түргэнник быһаара үөрэн.
ХАХАЙ
Дьыалаҥ барыта оҥоһулунна. Онон сытан эрэ сынньанар кэмиҥ кэлбит. Бу нэдиэлэҕэ тугу да гыммакка сытыаххын да сөп. Дуоһуйа сынньан!
КЫЫС
Уларыйыы-тэлэрийии кэмэ кэлбит. Онон кыра-кыралаан олоххор уларытыылары киллэр. Холобур, хас сарсыарда ахсын кофе иһэргэ үөрэн, нэдиэлэтээҕи былааҥҥын оҥоһун.
ЫЙААҺЫН
Кырдьык, наһаа сылайбыккын. Олоххор тугу гыммыт киһи диэн быһаарыы көрдүү сатыыгын. Арыый уоскуй. Наһаа ыгылыйыма. Мээнэ, туһата суоҕу толкуйдаама.
СКОРПИОН
Атын дьон олоҕун саныыртан тохтуу түс, аны бэйэҕин эрэ санаа. Сынньана түс. Саҥаны үөрэтэргэ тоҕоостоох кэм үүммүт.
ОХЧУТ
Олохтон наһаа сылайбыккын дуу, хайдах дуу? Үлэттэн, тапталтан сынньана түс. Тыынна ыл. Ол барыта кэтэһиэ. Хата, күүһү-уоҕу хантан ылары толкуйдаа.
ЧУБУКУ
Баччааҥҥа диэри туох да үөрдүбэт, санааҕын көтөхпөт дуо? Куоска, биитэр ыт иитэ ылан, санааҥ көнньүөрэрэ дуу? Күһүн наһаа санааҕа-онооҕо түспэт курдук, чугас дьоҥҥун, табаарыстаргын кытары бириэмэҕин туһалаахтык атаар.
КҮРҮЛГЭН
Кыыһыран-тымтан бүт. Күннээҕи олохтон үөрэ-көтө үөрэн. Бу нэдиэлэҕэ наһаа бэһиэлэй, ураты киһини кытары билсиэҥ. Олоххо ураты түгэни бэлэхтиэ.
БАЛЫКТАР
Эн ороскуоккун-дохуоккун сатаан суоттаабат эбиккин. Хармааҥҥар харчыҥ аҕыйаабыт. Онон бу нэдиэлэҕэ ону-маны улаханы атыылаһар кыаҕыҥ суох буолбут. Иэс кимтэн да ылыма, өссө улахан иэскэ бааллыаххын сөп.
edersaas.ru