ХОЙ
Сыалгытын ситиһэргитигэр көхтөөх буолуоххутун наада. Төһө күүскүтүн уураргытыттан түмүгэ көстүөҕэ. Үлэҕитигэр үрдүк ситиһиилэр күүтэллэр. Саҥаҕа арыый аһаҕас буоларгыт наада. Дьону кытта сыһыаннаһыыга майгыгытын көрүнүҥ. Оччоҕо аттыгар дьон үмүөрүһүө.
ОҔУС
Уустуктары, мэһэйдэри кыайыаххыт, өскөтүн бэйэҕит омуҥҥутун сатаан кыайа туттаххытына. Санааҕытын уурбут дьыалаҕытын тиһэҕэр тиэрдэр туһуттан туох баар күүскүтүн аныаххытын наада. Өрөбүллэри көҥүллүк атаарыҥ. Туора дьон кыһалҕатын быһаара сатаамаҥ.
ИГИРЭЛЭР
Олоххутугар буола турар быһыы-майгы үгүс уларыйыылар күүтэллэрин этэр. Бу барыта үтүө өттүгэр дьайыаҕа. Саҥа этиилэр киириэхтэрэ, эбэтэр тус олоххутугар тапталга билинии баар буолуоҕа.
АРААК
Бу нэдиэлэҕэ буолар быһыыны-майгыны бөлүһүөктүү көрөргүт наада. Тула өттүгүт сүпсүлгэн. Ол эрээри мантан эн бэйэҕэр наадалааҕы булуоххутун сөп. Алыс көхтөөхтүк атын дьон кыһалҕатын эбэтэр дьыалатын быһаарар, онно орооһор наадата суох.
ХАХАЙ
Тулалыыр дьоҥҥутун эмиэ сөхтөрөр кэмҥит. Ол эрээри дьону үтүө өттүнэн соһутарга кыһаллыҥ. Сэрэдэҕэ эһиги кистэлэҥҥит арыллыан сөп. Онон быһаарыы биэрэргэ бэлэм буолуҥ. Чэппиэргэ аптарытыаккыт үрдүөн сөп. Бу туһуттан дьону кытта уопсай тылы булуҥ.
КЫЫС
Былаас уонна нолуок эйгэтигэр үлэлиир дьону кытта сыһыаннаһыыны аччатыҥ. Нэдиэлэ устата санаа түһүүтэ, кириисис баар буолуон сөп. Ол эрээри нэдиэлэ ортото бырайыактаргын олоххо киллэриэххитин сөп.
ЫЙААҺЫН
Сөптөөх хайысханы туттаххытына ситиһиилээх буолуоххут. Нэдиэлэ саҥата саҥа бырайыакка ылсан урукку былааҥҥытын ситиһиэххитин сөп. Оптуорунньукка бэйэҕитин туттунуҥ. Сатаан туттумматаххытына кыыһырсыыттан куоппаккыт.
СКОРПИОН
Олус көхтөөх уонна ситиһиилээх нэдиэлэ. Үлэҕэ саҥа этиилэр киириэхтэрэ. Үп-харчы баар буолуоҕа. Санаабыт санааҕытын ситиһиэххит. Аптарытыаккыт харыс үрдүөҕэ.
ОХЧУТ
Саҥа күүс сүүрээнэ үөскүөҕэ. Харчыга сыһыаннаһыыга дьоҥҥо итэҕэйэр наада. Дьоҥҥо эппит тылгытын толороргут наада. Эһиги сүбэҕитигэр наадыйааччылар баар буолуохтара.
ЧУБУКУ
Бу нэдиэлэҕэ саҥа доҕоттор баар буолуохтара. Онон үлэҕит интэриэһинэй уонна көхтөөх буолуоҕа. Оптуорунньукка уустуктар үөскүөхтэрэ. Ону да эһиги начаас кыайыаххыт. Көрсүбүт ыарахаттаргыт уопут буолуоҕа.
КҮРҮЛГЭН
Бу нэдиэлэҕэ сэрэхтээх уонна болҕомтолоох буоларгыт наада. Тылгытын-өскүтүн көрүнэ сылдьыҥ. Нэдиэлэ ортото кэллиэгэлэргитин кириитикэлээмэҥ. Өрөбүллэргитин дьиэ кэргэҥҥитин кытта атаарыҥ.
БАЛЫКТАР
Холку майгыгытын куоһур оҥостуҥ. Ыгылыйар туһата суох. Салалтаҥ эйигиттэн саҥа этиилэри, көхтөөх бырайыактары күүтэр. Утуйан баран сылдьымаҥ.
edersaas.ru