Хой
Бу күннэргэ тиэхиньикэттэн сэрэхтээх буоларыҥ наада. Өскөтүн массыынаҥ эбэтэр дьиэ иһинээҕи тэрилиҥ алдьаммыт буоллаҕына, өҥөнү оҥорор дьону ыҥыран оҥоттороруҥ ордук.
Оҕус
Урукку доҕотторгун көрсөн үөрүөҥ-көтүөҥ. Бырааһынньыкка ыҥырылыннаххына аскын-үөлгүн көрүнэриҥ наада. Бу күннэргэ тиэхиньикэҕэ чугаһаама. Эчэйиэххин сөп.
Игирэлэр
Эйигиттэн сылтаан дьон иирсиэн сөп. Онон тылгын-өскүн көрүнэ сырыт. Хобу-сиби тарҕатар бэйэҕэр куһаҕаннык дьайыан сөп. Уһуннук сыралаһан санаабыт санааҕын нэдиэлэ ортото ситиэххин сөп.
Араак
Итэҕэйимтиэ буолаҥҥын дьону үгүстэрин судургутук ылынаҕын. Ол эрээри дьон эйигинниин арыт ардыгар аҥардас кыһалҕатын эрэ быһаарар туһуттан эмиэ алтыһыан сөбүн өйдүөххүн наада. Дьону кытта көрөн сыһыаннас.
Хахай
Өр күүппүт сынньалаҥын дьэ үүммүт. Үчүгэйдик толкуйдаан баран дьэ, чугас дьоҥҥун кытта ыраах айаҥҥа турунуоххун сөп. Хайаан да тас дойдуга да буолбатар, кэрэ айылҕаҕа да сылдьыы санааҕын көтөҕүө.
Кыыс
Түбүктээх нэдиэлэ күүтэр. О эрээри тус сыалгын ситиһэргэр, саҥа саҕалааһыннары оҥороргор тоҕоостоох түгэннэр тосхойуохтара.
Ыйааһын
Айылҕаҕа сылдьыы, доҕоттордуун көрсүһүү санааҕын кынаттыа. Ол эрээри аһары аһыллан ис санааҥ кистэлиҥ кэпсээбэтиҥ ордук. Дьон эрэ барыта судургу, көнө майгылаах буолбатах.
Скорпион
Талааҥҥын арыйаргар тоҕоостоох кэм буолбут. Уруһуйдуоххун, айыаххын баҕарар буоллаххына, ситиһиилэниэҥ. Дьону кытта сыһыаннаһыыга арыый туттунарыҥ наада.
Охчут
Наһаа кыраттан ыгылыйар буолбуккун. Ити барыта үп-харчы тиийбэтиттэн, дьиэтээҕи кыһалҕа кыһарыйарыттан тахсар эбит. Кыратык тулуйа түс. Барыта сотору этэҥҥэ буолуоҕа.
Чубуку
Уһата-кэҥэтэ сылдьыбыт урукку дьыалаларгын түмүктүүр кэмиҥ тирээн кэлбит. Элбэх дьоҥҥо эрэннэрбит тылгын толоруоххун наада. Онон түбүктээх нэдиэлэ буолсу.
Күрүлгэн
Санааҕа ылларыаҥ. Арай аттыгар санааҕыҥ үллэстэр чугас киһиҥ суоҕуттан соҕотохсуйбут курдук сананыаҥ. Ол эрээри бу соҕотохсуйуу санааҕыҥ сааһыланаргар наадатын кэлин өйдүөҥ.
Балыктар
Ыраах баар чугас киһиҥ эйигин наһаа суохтуур, ахтар эбит. Арай эн ону олох аахайбакка сылдьаҕын. Күннээҕи үлэҕэ-хамнаска үтүрүйтэрэн тугу эрэ куоттаран эрэҕин.
edersaas.ru