Бу түүн Бэрдьигэстээххэ «РИК» хочуолунайы үлэлэтэннэр, олохтоохторго сылааһы биэрэн эрэллэр. Вице-премьер Алексей Колодезников иһитиннэрбитинэн, үс дьиэҕэ уонна улуустааҕы дьаһалта, духуобунас киинигэр ититии холбоммут.
edersaas.ru
Санатан эттэххэ, тохсунньу 27 күнүгэр Горнай улууһун Бэрдьигэстээх нэһилиэгэр хочуолунай умайан, олорор дьиэлэр уонна тэрилтэлэр ититиитэ суох хаалбыттара. Хомойуох иһин, хочуолунай оператора 1953 сыллаах төрүөх Анатолий Николаев баһаарга былдьаммыта. СӨ Дьиэ-уот, хомунаалынай хаһаа ыстыба уонна энергетикэ министиэристибэтин иһитиннэрбитинэн, Анатолий Афанасьевич хомунаалынай хаһаайыстыба салаатыгар 25 сыл кэриҥэ үлэлээбит уопуттаах үлэһит этэ. Тэрилтэ коллективнай дуогабарыгар олоҕуран, кини дьиэ кэргэнигэр материальнай көмө оҥоһуллуоҕа.
Билигин саахалы туоратыыга 150 киһи, 28 тиэхиньикэ, ол иһигэр РФ Ыксаллаах быһыыга-майгыга министиэристибэтин Саха сиринээҕи салаатын 26 быыһааччыта уонна 4 тиэхиньикэтэ үлэлиир.
Анивера АКИМОВА, edersaas.ru