Горнай улууһугар, Бэрдьигэстээххэ, урбаан эйгэтин сайыннарар, үлэтэ суохтары бу эйгэҕэ угуйар, бэйэ дьарыктаах буолуутун көҕүлүүр сыаллаах бэс ыйын 6 күнүгэр «Труд –путь к успеху» урбаанньыттар форумнара ыытыллаары турар.
Тэрээһиҥҥэ үлэлэригэр элбэҕи ситиспит бизнесменнэр, урбаанньыттар кистэлэҥнэриттэн арыйыахтара, сүбэ-ама биэриэхтэрэ, ыйытыыларга хоруйдуохтара. Маны сэргэ, “Ты-предприниматель” федеральнай бырагыраама бырайыактарын өйүүр саҥа сүүрээннэр тустарынан билиһиннэриэхтэрэ, “Генерация бизнес идей” сэминээр ыытыллыа.
Форумҥа “Бизнес с нуля” дискуссионнай сессиялар саҥа саҕалааччыларга билэллэригэр-көрөллөрүгэр туһалаах былаһаакканан буолуоҕа. Туризм, сервис, аһылыгы тэрийии уонна атыы-эргиэн тиэмэтигэр киэҥ кэпсэтии ыытыллыа. Ону сэргэ, бэйэ оҥорон таһаарыытын батарыыга улахан кэпсэтии, санаа атастаһыыта, кыһалҕалары хайдах туоратар туһунан быһаарсыы ыытыллара былааннанар. Урбаанньыттар тирээн турар кыһалҕалары этиэхтэрэ, ыйытыыларыгар хоруйдары ылыахтара. Оскуола бизнес-сообществолара ыалдьыттыахтара, IT-технологияҕа маастар-кылаастар буолуохтара. Тэрээһин чэрчитинэн ыалдьыттар бөдөҥ промышленнай тэрилтэлэр дьаарбаҥкаларыгар сылдьан үлэ миэстэлэрин билсиэхтэрэ уонна семинарга кыттыахтара. Бу күн бэйэ оҥорон таһаарбыт аһын-үөлүн, табаарын быыстапка-дьаарбаҥката тардыллыа.
Тэрээһиннэр сүрүннээн Даниловтар ааттарынан духуобунас киинигэр, Улуустааҕы дьаһалта дьиэтигэр, С.П.Данилов аатынан оскуолаҕа ыытыллыахтара.
Иһитиннэриини сиһилии: https://mr-gornyj.sakha.gov.ru аадырыска киирэн көрүөххүтүн уонна 8(41131) 42747, mby _ cpp @ mai l . ru билсиэххитин сөп.
Тэрийээччилэр: СӨ инвестиционнай сайдыы уонна предпринимательство министиэристибэтэ, “СӨ предпринимательствоны өйүүр киин” ГКУ, Горнай улууһун дьаһалтата.