Горнайга уонна Үөһээ Бүлүүгэ баһаарынайдар уонна быыһааччылар көмөҕө бардылар
Горнай уонна Үөһээ Бүлүү улуустарыгар Бэс Күөлэ уонна Кырыкый нэһилиэктэригэр Арассыыйа эригийиээннээҕи управлениетыттан 25 бааһырынай уонна 15 быыһааччы көмөҕө барда.
СИА иһитиннэрбитинэн, суукка иһигэр Үөһээ Бүлүү уонна Хаҥалас улуустарыгар ойуур баһаарын умулларыыга 6 туонна уу ыһылынна. Манна ойуур харыстабылын 17 үлэһитэ үлэлиир.
Авиалесоохрана чахчытынан, Саха сирин сиригэр-уотугар 126 ойуур баһаара үлэлиир. Суукка иһигэр 55 тыһ. гектар иэннээх 11 баһаары умуллардылар.
Бүгүҥҥү күҥҥэ уустук балаһыанньа Бүлүү, Үөһээ Бүлүү, Мииринэй, Горнай, Эдьигээн, Кэбээйи, Ньурба, Өлүөхүмэ, Сунтаар уонна Хаҥалас улуустарыгар салҕанар. Манна 109 ойуур баһаара баара биллэр.
Ааспыт сууккаҕа 1 838 киһи уонна 258 тиэхиньикэ, Бүлүү уонна Горнай оройуоннарыгар Ан-26 «Циклон» үлэлээтилэр. Бүгүн аэромобильнай бөлөхтөр Горнай уонна Үөһээ Бүлүү оройуоннарыгар үлэлииллэрин, МЧС авиацията Сииттэ, Кырыкый нэһилиэктэригэруонна Ньурба улууһугар үлэлиирин туһунан СӨ ЫБМ Кылаабынай управлениетын салайааччыта Павел Гарин иһитиннэрдэ.
Исписэлиистэр салгын хаачыстыбатын быыстала суох кэтээн көрөллөр. Роспотребнадзор Управлениета уонна Саха сиринээҕи гидрометеосулууспа управлениета лабораторнай хонтуруолу ыытан, 140 салгын боруобатын бэрэбиэркэлээтилэр.
Елена ПОТОЦКАЯ, «Саха сирэ» хаһыат, edersaas.ru
Хаартыска — СИА.