Бэрээдэк

Горнайга үс киһи өлүүлээх суол быһылаана таҕыста

Атырдьах ыйын 2 күнэ үүнэр түүнүгэр Ис дьыала Горнайдааҕы салаатын дьуһуурунай чааһыгар Маҕарас сэлиэнньэтин таһыгар суол быһылаана тахсыбытын туһунан суһал иһитиннэрии киирбит.

 

Барыллаан чахчыларынан, «Бүлүү» федеральнай суолун 98-с килэмиэтиригэр  44 саастаах суоппар дьахтар дьиэ кэргэнин кытта  TOYOTA SIENTA массыынанан Сунтаартан Дьокуускайга айаннаан иһэн, уруулун кыайан салайбакка, суолтан аллараа түһэн  түҥнэстибит.

Суол быһылаанын түмүгэр, суоппар дьахтар уонна 48 саастаах эр киһи тута өлбүттэр. Кэлиҥҥи миэстэҕэ олорбут   8, 16 уонна  17 саастаах оҕолор Маҕарас балыыһатыгар киллэриллибиттэр. Хомойуох иһин, 17 саастаах оҕо  балыыһаҕа киирэн баран өлбүт диэн Ис дьыала министиэристибэтин пресс-сулууспата иһитиннэрдэ.

edersaas.ru

 

Хаартыска https://kubnews.ru

 

0
0
Telegram @edersaas20