Горнай улууһун Бэрдьигэстээҕэр пластик түннүктэри оҥорор буоллулар. Бу күннэргэ «Горный пласт» ХЭУо анал сыаҕы аста.
Улуус баһылыга Никита Андреев тэрилтэ үлэтин билсэ таарыйа, урбаанньыттарга махтал сурук туттарда.
Дмитрий Слепцов генеральнай дириэктэрдээх «Горный Пласт» ХЭУо үлэтин былырыын сайын саҕалаабыта. Предприятие пластиктан араас иһиттэри, ол иһигэр иһэр уу, септик емкостарын, пластик тыылары уонна да атын оҥоһуктары оҥорон таһаарар. Билигин үлэтин ыырын кэҥэтэн, аны пластиковай түннүгү оҥорор буоллулар.
Предприятие Горнай улууһун биисинэс-инкубаторын резиденинэн буолар. Бэйэ дьыалатын сайыннараары Урбаан министиэристибэтин нөҥүө субсидия ылан туһаммыта.
edersaas.ru
Хаартыска: http://portal.b14.ru/news/v-gornom-uluse-otkrylos-proizvodstvo-plastikovyh-okon/