Горнайга ойууру баһаартан харыстыыр үлэлэр күүһүрэллэр

Бөлөххө киир:

Ойууру баһаартан харыстааһыҥҥа, араҥаччылааһыҥҥа болҕомто улаатан, күүһүрэн турар кэмэ.  Манна туһуламмыт үлэ Горнай улууһугар хайдах салҕанан иһэрин ыксаллаах быһыы-майгы хамыыһыйата иһитиннэрдэ:

Улуус баһылыга Никита Андреев баһаартан сэрэхтээх буолуу, ойууру араҥаччылааһын үлэтин хонтуруолга күүскэ тутар. Бэрдьигэстээххэ 16 үлэһиттээх «Авиалесоохрана» тэрилтэтин лүөччүк идэлээх эдэр киһи Дмитрий Сидоров кыһамньылаахтык салайар. Сэттэ бастайааннай үлэһит «ойуур баһаарын умуруорар салайааччы» бырагырааманан анал үөрэтиини барбыттара. Ойууру салгынтан араҥаччылыырга анаан «АН-2 сөмөлүөт манна баазаланан, балаҕан ыйыгар диэри үлэлиир. Сөмөлүөтүнэн хамаанда ботурууллааһынын уопуттаах командир Виктор Шемет муоһалыыр, көрөр-истэр.

Балаһыанньа билиҥҥитэ этэҥҥэ. Бэҕэһээ сөмөлүөтүнэн көтүү түмүгүнэн, улуус сиригэр-уотугар баһаар бэлиэтэммэтэ.  Ол гынан баран, сөҥүү суох. Онон хонтуруол өссө күүһүрэр. Улуус олохтоохторугар, ыалдьыттарыгар туһаайан, баһаартан сэрэхтээх буолуу быраабылаларын тутуһалларыгар иһитиннэрэр-биллэрэр сириэстибэлэр көмөлөрүнэн сэрэтэр-өйдөтөр, сүбэлиир үлэлэр тиһиктээхтик ыытыллаллар. 

+1
0
+1
0
+1
0
+1
0
+1
0
+1
0
+1
0