Маны аах Уопсастыба

Горнайга үлэтэ суох дьону кытта үлэлэһэллэр



Горнай улууһугар нэһилиэнньэ дьарыктаах буолуутун киинигэр  300-тэн тахса киһи үлэтэ суох дьон учуотугар турар.

Үлэтэ суох ахсаанын аччатыыга туох үлэ ыытылларын туһунан Горнай улууһун землячествотын салайааччыта Надежда Федорова маннык кэпсиир:

— Улуустааҕы Нэһилиэнньэ дьарыктаах буолуутун киинэ үлэтэ суохтар ахсааннарын кыччатар туһуттан улуустааҕы «Үлэтэ суох дьоҥҥо биир кэмнээх үбүнэн көмө» бырагыраамаҕа олоҕуран, кэккэ былааннаах үлэни тэрийэн ыытар. Ол курдук,
бырагыраама чэрчитинэн үлэтэ суохтар бэйэ дьыалатын арыналларыгар аналлаах куонкуруска кытталлар. Сайаапка түһэрээччилэр «Мин биисинэһим» кииҥҥэ сүбэ-ама ылаллар, онно ханнык хайысханы талалларыгар көмөлөһөллөр, нолуок эрэсиимин тэҥэ, биисинэс-былаан оҥоһуутугар практическай көмөнү оҥороллор. Бу күннэргэ куонкурус түмүгүнэн анал хамыыһыйа түөрт бырайыагы талла. Онон субсидия көмөтүнэн үлэтэ суох дьон бэйэ дьоҕус биисинэһин тэриниэхтэрэ.

Ол курдук, Күөрэлээххэ килиэп астааһынынан, олорор дьиэлэри тутуунан, миэбэл оҥоһуутунан уонна полиграфическай өҥөнү оҥоруунан дьарыктанар соруктаахтар. Бу туһунан «Мин биисинэһим» диэн Горнай улууһунааҕы биисинэс-киин подразделениетын сэбиэдиссэйэ Марианна Попова СӨ урбаан уонна туризм дьыалаларын министиэристибэтин саайтыгар билиһиннэрдэ.

Елена ПОТОЦКАЯ, edersaas.ru

0
0