Саха сирин дьоно коронавирус аймалҕана ааҥнаабытын этэҥҥэ аһарар туһуттан араас хабааннаах үлэни барытын толкуйдаан тэрийэргэ кыһаллаллар.
Горнайдар бу кутталлаах ыарыы бүрүүкээбитин утаран, этэҥҥэ аһарар туһуттан, өссө күүскэ сомоҕолостулар. Хардарыта көмөлөсүһэргэ бэлэмнэрин биллэрдилэр, «Мы вместе» аахсыйаны саҕалаатылар.
Волонтердар кыһалҕалаахтарга астарын-үөллэрин, эмтэрин-томторун аадырыстарыгар тиэрдэн биэрэргэ ылсыбыттар. «Бары сомоҕолостохпутуна, бииргэ тутуһан сырыттахпытына, хардарыта өйөстөхпүтүнэ, ханнык да бэйэлээх тыҥаабыт кыһалҕаны этэҥҥэ аһарыахпыт» — дииллэр кинилэр.
Хас биирдии нэһилиэккэ волонтер кыһалҕалаахха наадалааҕын атыылаһан аадырыһыгар тиэрдэр диэн олохтоохторго өйдөтөн этэн туран, нэһилиэктэринэн олохтоох дьаһалталар төлөпүөннэрин биэрэллэр. «Манна эрийиҥ, көмө оҥоһуллуо» диэн нэһилиэнньэни уоскуталлар.
Атамай нэһилиэгэ — 23-5-25
Бэрдьигэстээх — 4-10-10
Кировскай — 23-2-55
Маҕаны — 27-3-36
Маалтааны — 29-3-67
Мытаах — 26-3-39
Одуну 25-3-37
Октябрьскай нэһилиэк — 23-6-77
Солоҕон — 24-3-25
Хаартыска: СИА