Бу күннэргэ Эбээн Бытантай улууһун «Гарпан» этническэй култуура киинэ Горнай улууһугар ыалдьыттаата.
Бу туһунан биһиги уопсастыбаннай кэрэспэдьиэммит Сэргэн Лэкээрин иһитиннэрдэ:
— Түһэгиирдээҕи «Гарпан» этническэй култуура киинин методиһа Рада Малышева хотугу норуот таҥнар таҥаһын-сабын, туттар-малын салын, иис-уус дьоҕуру толору көрдөрөр «Дэвйэлиникэн алмагар» быыстапканан Горнай улууһугар ыалдьыттаата.
Быыстапка көрө кэлбит ыалдьыттар хотугу норуоттар төрүт үгэстэрин сүтэрбэккэ тириини имитэн таҥнан-симэнэн, туттар малларын-салларын кыыл муоһуттан оҥорбуттарын сөҕө көрдүбүт. Хоту дойду олоҕун-дьаһаҕын көрдөрөр слайданы көрөн астынныбыт, сөхтүбүт-махтайдыбыт.
Елена ПОТОЦКАЯ, “Саха сирэ” хаһыат, edersaas.ru
+1
+1
+1
+1
+1
+1
+1