Горнайга эмчиттэрэ дьиэлэриттэн тэйэн үлээбиттэрэ уон хонно

Бу күннэргэ Горнай улууһун киин балыыһатын инфекционнай отделениетыгар үс киһи эмтэнэ сытар.

edersaas.ru

Кылаабынай былааһы солбуйааччы Жанна Андреева иһитиннэрбитинэн, сыстыганнаах дьаҥҥа сутуллубут дьон палаататыгар икки эмчит уонна үс санитарка үлэлиир. Кинилэр ыам ыйын 6 күнүттэн дьиэлэриттэн тэйэн, балыыһаҕа олорон үлэлииллэр. Үлэлииргэ бары усулуобуйа баар.

— Обсерваторга 10 хантаахтаак киһи сытар. Сыстыганнаах ыарыыны утары охсуһар эмчиттэр,  алын сүһүөх медицинскэй үлэһиттэр ыам ыйыттан федеральнай өйөбүл  төлөбүрүн ылыахтара, — диэн бэлиэтээтэ Жанна Анатольевна.

Бу күннэргэ Горнай улууһун землячествота харчынан көмөлөһөн, респиратор, термометр ылбыттар. Балыыһаҕа икки ИВЛ аппараата баар.

Елена ПОТОЦКАЯ, «Саха сирэ» хаһыат, edersaas.ru

Хаартыска — Жанна Андреева тиксэриитэ.