Горнайга баһаары умулларыыга спортсменнар айаннаатылар

Ааптар: 
Бөлөххө киир:

Бүгүн, от ыйын 28 күнүгэр, Горнай улууһугар СӨ физическэй култуура уонна успуорт министиэристибэтиттэн 110 спортсмен уонна биэдэмистибэ үлэһиттэрэ баһаары умуллара айаннаатылар. 

Өрөспүүбүлүкэ олохтоохторо айылҕа иэдээнин — ойуур баһаарын бохсууга ким туох кыахтааҕынан көмөлөһө олороллор.  Эр дьон түмсэн баһаарыы умулларыыга кытталлар. Бу  сырыы иннинэ биһиги министиэристибэбит үлэһиттэрэ Сунтаар, Горнай уонна Нам улуустарыгар баһаары умулларыыга сылдьыбыттара.

Онон уопсайа 200-чэкэ киһи биэдэмистибэбититтэн  ойуур баһаарын умулларыыга кыттыыны ылла.

Билигин күүс-уох саамай наада кэмигэр биһиги спортсменнарбыт туора турбакка, бэйэлэрэ баҕа өттүнэн норуот күүһүгэр  кыттыһаллар, — диэн СӨ Физическэй култуура уонна успуорт миниистирин бастакы солбуйааччы Леонид Спиридонов санаатын үллэһиннэ.

Горнай улууһугар ойуур баһаарын умулларыыга спортсменнар үс күн устата үлэлиэхтэрэ, олохтоохторго төһүү күүһүнэн буолуохтара.

Елена ПОТОЦКАЯ, «Саха сирэ» хаһыат, edersaas.ru

Хаартыскаҕа уонна видеоҕа ааптар түһэриитэ уорнна устуута.

+1
0
+1
0
+1
0
+1
0
+1
0
+1
0
+1
0