Горнай улууһугар РФ Төрүт Сокуонугар уларытыылары киллэриигэ куоластааһын салҕанар.
Улуус үрдүнэн куоластыырга барыта 11 учаастак тэриллэн, сарсыардаттан киэһээҥҥэ диэри үлэлииллэр. Испииһэккэ баарынан барыта 7159 быыбардааччы бэлиэтэммит эбит буоллаҕына, бүгүн күнүскү туругунан, уопсайа 4886 киһи куоластаабыт. Сарсыарда 10 чааска диэри 200 киһи кэлэн бэйэтин санаатын биллэрбит, тэрээһиҥҥэ кыттыбыт буолла5ына, 14 чаас 30 мүнүүтэтээҕи чахчынан 358 киһиэхэ ити сыыппара тиийбит. Онон эбиэттэн киэһээҥҥи иһитиннэриинэн, (14.30 ч.) улуус үрдүнэн куоластааһын уопсайа 68, 25 %-ҥа тэҥнэстэ диэн улуустааҕы куоластыыр хамыыһыйаттан (ТИК) иһитиннэрэллэр.
Нэһилиэктэртэн, 14.30 чаастааҕы туругунан, Атамай олохтоохторо 99,7 % куоластарын биэрбиттэр. Дьиэҕэ олорон куоластыырга сайабылыанньаламмыттарга, учаастактааҕы хамыыһыйалар тиийэллэр. Оттон улуус үрдүнэн быйыл уопсайа 90 ыччат аан бастакытын куоластыыр.
Учаастактар аадырыстара, төлөпүөннэрин ньүөмэрдэрэ толору суруллан тарҕатыллыбыттар. Санитарнай ирдэбиллэр, бэйэ икки ардыгар тутуһуллуохтаах анал бэлиэлэр оҥоһуллубуттар. Ханна да, дьону тоҕуоруһуннарбат курдук усулуобуйалар толору тэриллибиттэр.
Горнай улууһун олохтоохторо бүгүҥҥү эппиэттээх күҥҥэ, Бүтүн Арассыйатааҕы куоластааһыҥҥа көхтөөх кыттыыны ылаллар.