Бүгүн, сэтинньи 5 күнүгэр, «Саха» НКИХ ханаалыгар «Талбан» биэриигэ быһа эпииргэ Горнай улууһун баһылыга Никита Викторович Андреев таҕыста. Кини ааспыкка киирбит ыйытыыларга хоруйдаата.
Никита Андреев Горнайтан киирбит ыйытыыларга хоруйдаата.
Ыйытыы: Тоҕо Горнайга КТ суоҕуй?
Хоруй: Горнай улууһа 12 тыһыынча нэһилиэнньэлээх. Онон КТ туруоттарар ирдэбилгэ хапсыбаппыт. Быраастар анаатахтарына, наадыйбыт киһи Дьокуускайга тиийэн КТ-га түһэр.
Ыйытыы: Бэрдьигэстээххэ «Арбидол» суох. Тоҕо эмп көрүҥэ өрөспүбүүлүкэҕэ элбэх дииллэрий?
Хоруй: 39-с №-дээх аптекаҕа 300 устуука «Арбидол» баар. Баар эрээри маркировкатын сатаан ааспакка атыыламматаҕа. Билигин маркировка судургутулунна. Онон тустаах эмп атыыга баар.
Ыйытыы: Эмп сыаната тоҕо наһаа үрдүгүй? «Арбидол» 750 солкуобайга тэҥнэһэр, оттон ИФА анаалыһын туттарыы — 1500 солкуобай.
Хоруй: Социальнай наадалаах эмтэр сыаналара наһаа үрдээбит буоллаҕына дьаһалтаҕа эбэтэр борокуротуураҕа үҥсүү түһэриэххитин сөп.
Ульяна Захарова, edersaas.ru
Хаартыска — СИА.