Бэс ыйын 26 күнүгэр Горнай улууһугар Москваттан Skillbox диэн үөрэтэр платформа GR — дириэктэрэ Леонид Мироненко уонна Саха сирин АйТи пааркатын ыытааччы эксперэ Саргылана Петрова кэлэн үлэлээтилэр, ыччаты кытта алтыстылар.
Кинилэр Бэрдьигэстээхтээҕи АйТи — киин үлэтин, үөрэнэр усулуобуйаларын, резиденнэр бырайыактарын кытта билистилэр.
Маннык АйТи хайысхаҕа улуустарга олорор эдэр дьону үөрэтии биһиги өрөспүүбүлүкэбитигэр бастакытын ыытыллар.
Улууспутугар СӨ Инновация министиэристибэтиттэн уопсайа 11 кубуота бэрилиннэ. 90% — министиэристибэ, 10% — үөрэнээччилэр төлүүллэр. Сыл бүтүүтэ улууспут 11 ыччата олохторугар саҥа сүүрээни, аныгылыы АйТи хайысханы баһылыахтара.
Үөрэнэр идэлэрэ: веб-дизайнер, графическай дизайнер, Python — разработчик, мобильнай разработчик, Motion-дизайнер, веб-программист, разработчик — UNITY, UI-UX дизайнер, 3D — дизайнер, гейм-дизайнер.