Горнайга 100 дьиэҕэ гаас киириэҕэ

Ааптар: 
Бөлөххө киир:
Быйыл Горнай улууһугар 100 дьиэҕэ социальнай гаастааһын бырагырааматын чэрчитинэн гаас киириэҕэ. 
Бүгүҥҥү күҥҥэ «Сахатранснефтегаз» АУо улуус олохтоохторун кытта 269 дуогабар түһэрсиллибит. Ил Дархан Айсен Николаев: «Сааҥсыйанан сибээстээн, төһө да уустуктар баалларын үрдүнэн, социальнай гаастааһын сүрүн бырайыак быһыытынан олоххо хайаан да киириэхтээх. Ол кыалыннаҕына, үгүс ыал дьиэлэригэр гаас киирэн, олохторун усулуобуйата быдан тупсуо этэ», — диэн бэлиэтээбитэ. Улууска 230 гаас ситимэ тардыллыбыта. Өссө 39 дуогабарга бырайыактыыр үлэ бара турар.

Уопсайа бырагыраама олоххо киириэҕиттэн ыла 5000 сайаапка оҥоһулунна. 4030 сайаапканы биэрбит дьону кытта дуогабар оҥоһулунна. Онтон 2022 сылга 2000 дьиэ гааска холбонуоҕа. Бу туһунан СӨ Аҕа баһылыгын уонна СӨ Бырабыыталыстьыбатын пресс-сулууспата иһитиннэрэр.

Санаттахха, РФ Бэрэсидьиэнэ Владимир Путин сир учаастактарыгар диэри гаас ситимэ босхо тардылларыгар соруйбута.

Елена ПОТОЦКАЯ, «Саха сирэ» хаһыат. 

Хаартыска — СӨ Аҕа баһылыгын уонна СӨ Бырабыыталыстыбатын  порталыттан.

+1
0
+1
0
+1
0
+1
0
+1
0
+1
0
+1
0