Горнай улууһугар Арассыыйа норуоттарын култууратын үйэлээх баайын Өрөспүүбүлүкэҕэ — Саха АССР төрүттэммитэ — 100 уонна Ийэ, Горнай улууһугар — Экология, норуот суруйааччыта Софрон Данилов төрөөбүтэ — 100, Бэрдьигэстээх нэһилиэгэр — Аҕа сыллара үөрүүлээхтик аһыллыыта «Бэрдьигэс ТВ» ютуб ханаалыгар куйаар ситиминэн арылыннылар.
Өрөспүүбүлүкэ Бырабыыталыстыбатыттан, Ил Түмэнтэн, тустаах министиэристибэлэртэн истиҥ эҕэрдэ этилиннэ, наҕараадалары туттарыы буолла.
Ил Дархан махтал суругунан уонна анал бэлиэтинэн ааспыт сылга өрөспүүбүлүкэөэ турбут ойуур баһаарыгар хорсун үлэтин иһин Солоҕон нэһилиэгин дьаһалтатын суоппара Иван Дормидонтов наҕараадаланна.
Нэһилиэк убаастанар олохтооҕо, Тыымпынай бизонарийын үлэһитэ Семен Стручков Экология сылынан улуус олохтоохторугар бэйэтин видео-эҕэрдэтин ыытта.
Бу туһунан бэйэтин инстаграмын сирэйигэр Солоҕон нэһилиэгин олохтоох дьаһалтата сырдатта.
Елена ПОТОЦКАЯ, “Саха сирэ” хаһыат, edersaas.ru
Хаартыска — Солоҕон нэһилиэгин дьаһалтатын инстаграмыттан.