Горнай улууһугар коронавирус тарҕаныытын сэрэтэр улуустааҕы ыстаап иһитиннэрэринэн, ыам ыйын 5 күнүнээҕи туругунан, улууска кыраныысса таһыттан кэлбит дьон суохтар.
edersaas.ru
Биир киһи Бэрдьигэстээххэ обсерваторга сытар. 9 киһи дьиэлэригэр бэйэни хааччахтаныы эрэсиимигэр олороллор, кинилэри кэтээн көрүү ыытыллар.
Улуустааҕы балыыһаҕа 15 устуука «Кварц -1» (противочумнай көстүүм), 56 устуука «Тайвек» (элбэхтэ кэтиллэр комбинезон) кэлбит.
Ыам ыйын 5 күнүттэн 14 күнүгэр диэри «Населенный пункт» диэн сэрэтэр операция чэрчитинэн, тырааныспар бары көрүҥүн ГИБДД үлэһиттэрэ бэрэбиэркэлиэхтэрэ.
Атамай нэһилиэгин урбаанньыта Дмитрий Александрович Филиппов маҕаһыына сокуоннай саастарын ситэ илик элбэх оҕолоох 36 ыалга 72 килиэби босхо түҥэппит. Олохтоохтор үтүө санаалаах урбаанньыт дьиэ кэргэнигэр махталларын тиэрдэллэр.
Егор Карпов, edersaas.ru
+1
+1
+1
+1
+1
+1
+1