Горнай улууһугар ыччат үлэлээх буолуутугар туһаайыллан үгүс үлэ ыытыллар.
СӨ Нэһилиэнньэ дьарыктаах буолуутун судаарыстыбаннай кэмитиэтэ бүгүн Уус-Алдан, Амма уонна Горнай улуустарыгар 35 саастарыгар диэри үлэ көрдөнөр ыччаттарга анаан «ПУСК» (көһө сылдьар үөрэтэр-тутар кэмбинээт) бырайыагын чэрчитинэн анал үлэ уонна үлэ дьаарбаҥкатын куйаар ситиминэн тэрийдэ.
Горнай улууһун 50-тан тахса ыччата куйаар ситиминэн бүгүҥҥү күҥҥэ ханнык улахан тутууларга сыһыаннаах үөрэх, үлэ баарын, туох бырайыактар үлэлиилэрин билистилэр. Бу тэрээһинтэн олохтоох ыччат дойдутуттан ырааппакка, сварщик, бетонщик, каменщик курдук рабочай идэлэргэ үөрэнэн, үлэ булуон сөбүн биллэ.
Бу туһунан Бэрдьигэстээх сэлиэнньэтин дьаһалтатын ыччакка, култуураҕа уонна спорка салаата бэйэтин инстаграмыгар сырдатта.
Елена ПОТОЦКАЯ, “Саха сирэ” хаһыат, edersaas.ru
Хаартыскаҕа (скриншот): Бэрдьигэстээх сэлиэнньэтин дьаһалтатын ыччакка, култуураҕа уонна спорка салаатын инстаграмыттан.
+1
+1
+1
+1
+1
+1
+1