Бүгүн, муус устар 13 күнүгэр, сарсыардааҥҥы брифиҥҥэ Ил Дархан Айсен Николаев Горнай улууһугар уонна Дьокуускайга коронавируһунан ыалдьыбыт дьон баара сабаҕаланарын туһунан эттэ.
Бастакы анаалыс, билиҥҥитэ, хомойуох иһин, covid-19 баарын көрдөрбүт.
«Горнай улууһугар Санкт Петербург куораттан эмтэнэн кэлбит кэргэнниилэр анаалыс туттарбыттар. Ону сэргэ, Дьокуускайга эмиэ бэрэбиэркэ үлэтэ бара турар. Бу ыалга аймахтара Москваттан үөрэхтэриттэн кэлбиттэр, анаалыстар туттарыллыбыттар», — диэн эттэ Ил Дархан Айсен Николаев.
Муус устар 13 күнүгэр өрөспүүбүлүкэҕэ 23 киһи коронавируһунан ыалдьыбыта чуолкайданна, онтон 13 үтүөрбүт, 10 киһи стационарга эмтэнэр, 2 киһи бастакы анаалыһа дьаҥ баарын көрдөрдө.
Марианна Тыртыкова, «Саха сирэ» хаһыат, edersaas.ru
Хаартыска interfax.ru
+1
+1
+1
+1
+1
+1
+1