Горнай Маалтаанытыгар ходуһалар ууга былдьаннылар

Ааптар: 
Бөлөххө киир:

Горнай улууһугар  былырыын ойуур баһаардара тураннар, кураан ааҥнаан, сүөһүнү кыстатар отторун булбакка, атыылаһаллыбыт отунан өрүһүммүттэрэ.

Быйыл кыһалҕа атын өттүттэн ааҥнаабыт. Ол курдук уһун ардахтартан сылтаан үгүс нэһилиэк сирдэригэр үрэхтэр уунан туолан, оттуур ходуһалары былдьаабыт. Улахан кыһалҕа үөскээбитин туһунан Маалтааны олохтоохторо биллэрэллэр.

Ол курдук, Маалтааны нэһилиэгэр оттуур ходуһаларын улахан аҥаара ууга барбыт. Сиэгэннээх, Тыһаҕаччы курдук элбэх от кэлэр сирдэрэ быйыл ончу от биэрбэтэхтэр. Холобур, барыл быһыытынан Тыһаҕаччыга нэһилиэк сыллааҕы отун 35-40% ылар эбит. Маалтааныга 135 тиэргэн баар, олортон 90-ча ыал хороҕор муостааҕы, сылгыны иитиинэн дьарыктанар.
Кыстыгы туоруурга 1128 туонна от былааннаммыт эбит буоллаҕына, билигин үрэх уута ходуһалары ылан, ити былаан 30% эрэ туолан турар. Сорох ыал оттуур ходуһалара Тыһаҕаччы сиригэр эрэ баар эбит, ити сүөһү иитиитинэн дьарыктанар дьиэ кэргэттэр быйыл олох ото суох хаалбыттар, сүөһүлэрин эһэр кутталламмыттар.

edersaas.ru

+1
0
+1
0
+1
0
+1
0
+1
0
+1
0
+1
0