Бэҕэһээ, балаҕан ыйын 20 күнүгэр, Горнай улууһун Күөрэлээҕэр 18 кыбартыыралаах, 3 этээстээх саҥа дьиэ акылаатын түһэрии үөрүүлээх тэрээһинэ ыытылынна.
«Хаарбах туруктаах дьиэлэртэн дьону көһөрүү» федеральнай бырагыраама чэрчитинэн, Октябрьскайга таас уопсай дьиэ биир бастакынан киириэ диэн улуус дьаһалтатын пресс-сулууспата иһитиннэрдэ.
Толору хааччыллыылаах, киирэр суоллаах-иистээх, оҕолорго анал былаһааккалаах дьиэ 2023 сыл 4 кыбаарталыгар киирэрэ былааннанар.
Тутуу үлэтин Күөрэлээхтэн төрүттээх Алексей Колочев салалтатынан «Аурис» ХЭТ ыытыаҕа. «Дьиэни тутарга олохтоох дьон үлэлиэхтэрэ. Тыа сиригэр куорат дьонуттан туох даҕаны итэҕэһэ суох олоруохтаахпыт», — диэн улуус баһылыга Никита Андреев бэлиэтээтэ.
edersaas.ru
+1
+1
+1
+1
+1
+1
+1