Өрөспүүбүлүкэтээҕи волонтердар куорпустара тэтимнээхтик үлэлээн, өрөспүүбүлүкэ бары муннуктарыгар үтүө санаалаах волонтердар үлэлииллэр.
edersaas.ru
Өрөспүүбүлүкэтээҕи волонтердар куорпустарыгар кулун тутар 20 күнүттэн колл-кииҥҥэ 65-тээх уонна онтон аҕа саастаах дьоҥҥо биир кэмнээх аһылык нобуорун сайаапкалааннар, колл-киин кэлим нүөмэригэр барыта 19 422 сайаапка киирбит.
Маны таһынан, 2500 кырдьаҕаһы Бүлүү, Горнай, Ленскэй, Сунтаар, Мирнэй, Нерюнгри, Хаҥалас, Өймөкөөн волонтердара испииһэктээтилэр. Билигин Горнай улууһун кырдьаҕастарыгар ас-үөл нобуорунан хааччыйар туһунан сөбүлэһиигэ илии баттанна.
Муус устар 28 күнүгэр куорпус волонтердара 847 бакыаты кырдьаҕастарга туттардылар.
Ааспыт сууккаҕа аҕам саастаах дьонтон маҕаһыынтан ас, аптекаттан эмп-том атыылаһыыга, бөҕү тоҕууга уонна да атын үлэҕэ анаан 1181 сайаапка киирдэ.
Билиҥҥи туругунан өрөспүүбүлүкэ үрдүнэн 2557 волонтер үлэлиир.
Өймөкөөн волонтердарыгар 100 мэдиссиинискэй бэрчээкки, 14 антисептик, 14 дезинфекциялыыр гель, биирдэ кэтиллэр 50 бэрчээкки, 70 харыстанар мааска бэриллибит. Бу туһунан куорпус салайааччыта Александр Сусоев иһитиннэрдэ.
edersaas.ru
+1
+1
+1
+1
+1
+1
+1