Доруобуйа Сүрүн Уопсастыба

Горнай ыччата аахсыйаҕа кыттыһар

[vc_row][vc_column][vc_column_text]

Горнай улууһугар коронавирус дьаҥыгар сутуллан бэйэни хааччахтанан олорооччуларга уонна аҕам саастаахтарга тиһиктээх үлэ ыытыллар. Бу үлэни улуус ыччат бэлиитикэтигэр сүрүн исписэлииһэ Сардаана Туралысова салайар.

Кулун тутартан өрөспүүбүлүкэ бары улуустарыгар волонтер этэрээттэрэ тэриллэн үлэлииллэр. «Бары бииргэ» диэн бүтүн Арассыыйатааҕы аахсыйаҕа Горнайтан 20-50 саастаах  74 үтүө санаалаах дьон кытынна.

Сайаапка киирдэҕинэ, волонтердар аадырыска диэри бородууктаны, эми уонна маасканы тиэрдэллэр. Оттон ааспыт саас волонтердар үүтү тиэрдиигэ, хаһыаты, суругу тарҕатыыга, хаары ыраастааһыҥҥа, мас бэлэмнээһинигэр көмөлөспүттэр.

Билигин Горнай улууһугар 62 волонтер үлэлиир. Кинилэр алтынньы саҕаланыаҕыттан 482 сайаапканы толорбуттар.

Горнай улууһун ыччат бэлиитикэтигэр сүрүн исписэлииһин

Сардаана Туралысова иһитиннэриититтэн.

[/vc_column_text][vc_gallery interval=»3″ images=»195404,195405,195406,195407,195408″ img_size=»large»][/vc_column][/vc_row]

0
0

Добавить комментарий