Бу күннэргэ Саха сиригэр Гаагаттан учуутал, блогер Тон Ван Де Хут кэлэ сылдьар. Кини Дьокуускай куорат национальнай гимназиятын 10-с кылааһын үөрэнээччилэригэр математика уруогун ыытта.
edersaas.ru
Ол курдук, уруок иннинэ оҕолор учууталы кытта тымныыга араас экспэримиэннэри оҥорбуттар. Оттон уруокка садаачалары суоттаабыттар, головоломкалары, эрчиллиилэри оҥорбуттар. Садаанньалары Голландия үөрэнээччилэрэ саха оҕолоругар анаан бэлэмнээбиттэр. Оҕолор преподаватели кытта англия тылынан үөрэ-көтө кэпсэппиттэр, уруокка көхтөөхтүк кыттыбыттар.
Кинини кытта кэпсэтии кэмигэр Ыраах Саха сиригэр туох-сыаллаах соруктаах кэлбитин эттэ. Ол курдук, маҕаһыыннары кэрийэ сылдьан хап-халыҥ куурканы сөбүлүү көрөн атыыласпыт. Ол эрээри, Голландияҕа муҥутаан -10 кыраадыска диэри тымныйар. Куурка олус халыҥ буолан, дойдутугар кэтэр кыаҕа суох үһү. Ол иһин аан ситимтэн (интэриниэттэн) маннык халыҥ куурканы ханна кэтиэхпин сөбүй диэн көрдөөбүтүгэр, Саха сирэ тахсыбыт. Уталыппакка билиэт атыыласпыт, гостиница саккастаабыт уонна кэлбит. Саха сиригэр кэлбиппин букатын кэмсиммэппин диэн этэр.
Оттон саха оҕолорун үөрэппиккиттэн туох өйдөбүл хаалла диэн ыйыппыппытыгар, Тон Ван Де Хут бэйэтин уонна Саха сирин үөрэнээччилэриттэн улахан уратыны бэлиэтии көрбөтөҕүн туһунан хоруйдаата. Кини тус саайтаах http://vandenhout.reislogger.nl/ эбит. Айанын туһунан туох-баар санаатын барытын онно суруйар, аҕааччыларыныын үллэстэр үһү. Оҕолору кытта оҥорбут эксперименин ити ыйыллыбыт ссылканан киирэн көрүөххүтүн сөп.
Ыалдьыт Саха сиригэр түмэллэринэн, быыстапкаларынан сылдьар былааннаах. Бүгүн Хаҥалас улууһун Ой оскуолатын үөрэнээччилэрин, учууталларын кытта көрүстэ.
СӨ Үөрэҕин уонна наукатын пресс-сулууспата.