Гохран Саха сирин алмааһын 1 миллиард дуолларга атыылаһыан сөп
02.10.2020
Бэрэсидьиэн Владимир Путин Арассыыйа күндү металларын уонна күндү таастарын судаарыстыбаннай пуондалара (Гохран) алмааһы атыылаһар кыаҕын улаатыннарар туһунан сокуоҥҥа илии баттаата диэн ПРАЙМ ЗОЛОТО сайт иһитиннэрэр.
edersaas.ru
Бастаан утаа докумуон бастакы ааҕыытыгар Бүддьүөт кодексатыгар эрэ уларытыыны киллэрии туһунан этиллэр этэ. Онтон Саха Өрөспүүбүлүкэтин Ил Дарханын Айсен Николаев алмаас ырыынагар ыарахан быһыы-майгы турарынан сибээстээн, Гохран алмааһы атыылаһар кыаҕын улаатыннарар туһунан этиитин кэннэ, бу сокуоҥҥа тустаах уларытыы киирбитэ.
Дойду бэрэсидьиэнэ алтынньы 1 күнүгэр сокуоҥҥа илии баттаан, Гохран «Алроса» алмааһын атыылаһар кыаҕа улаатта. Арассыыйа Үп миниистрин солбуйааччыта Алексей Моисеев этэринэн, Саха сирин алмааһын 1 миллиард дуолларга атыылаһыахтарын сөп.
Ирина Ханды, “Саха сирэ” хаһыат, edersaas.ru
Хаартыска: Интэриниэт ситимиттэн
+1
+1
+1
+1
+1
+1
+1