Саха сиригэр Го оонньууга күрэхтэһии саҕаланна

Ааптар: 
Бөлөххө киир:

Атырдьах ыйын 22-28 күннэригэр Саха АССР тэриллибитэ 100 сылыгар анаан Го оонньууга Ил Дархан Куубага уонна идэтийбит оонньооччуларга Арассыыйа Куубагын финала ыытыллаллар. Бастыҥнар ааттарын иһин киирсээри Арассыыйа араас эрэгийиэннэриттэн сүүстэн тахса спортсмен Дьокуускайга түмүстүлэр.

Бүгүҥҥүттэн «Демьян Бедный» теплоходка күрэхтэһии спортивнай чааһа саҕаланна.Кыттааччылар Дьокуускай — Өлүөнэ очуостара — Дьокуускай хайысханан айанныахтара.

Го оонньууга сүрүн күрэхтэһиинэн Уһук Илиҥҥэ бастыыр иһин күрэхтэһии буолуоҕа. Бу турнир атырдьах ыйын 23-26 күннэригэр теплоходка буолуоҕа. Манна 9 саастарыгар диэри, 9-11 саастаах, 12-15 саастаах, 16-19 саастаах кыргыттар уонна уолаттар кытталлар. Уокурук бары эрэгийиэниттэн кыттааччылар кэлбиттэр.

Ил Дархан Куубагын спонсордарынан Үүнэр көлүөнэ тус сыаллаах пуондатын уонна “Алмаасэргиэнбаан” өйөбүллэринэн “Полиметалл”, “Росатом” хампаанньалар буоллулар.

+1
0
+1
0
+1
0
+1
0
+1
0
+1
0
+1
0