Бэҕэһээ, олунньу 24 күнүгэр, Дьокуускай куорат гериатрическэй киинигэр үөрүүлээх быһыыга-майгыга Ил Дархан Айсен Николаев кыттыылаах көмпүүтэринэй томография хоһо аһылынна.
«Доруобуйа харыстабыла» национальнай бырайыак чэрчитинэн, КТ хоһугар бары тэриллэр атыылаһыллыбыттар. Онон бу анал хос аһылларын күүппүт бэтэрээннэр баҕа санаалара туолла. Ил Дархан Айсен Сергеевич бу сырыытыгар реанимация салаатын киирэн көрдө. Коронавирус дьаҥын бохсорго көрүллүбүт үбүнэн ИВЛ аппарааттар, ыарыһахтарга аналлаах ороннор, гаастаах анализатордар ылыллыбыттар. Ил Дархан ылыммыт быһаарыытынан, соторутааҕыта палааталары салгынынан хааччыйар станция оҥоһуллубут. Ону сэргэ, ПЦР анаалыһын оҥорор лабораториялар, көһө сылдьар эрэнгиэн аппарааттара ылыллыбыттар.
Ульяна Захарова.