Филологическай наука доктора, тюрколог-учуонай Герасим Левин аатын үйэтитэр кинигэ бэчээттэннэ. edersaas.ru
Герасим ЛЕВИН Саха университетыгар 21 сыл тухары үлэлээбитэ, наукаҕа биллэр-көстөр хамсааһыны таһаарбыта. Бу дьыл муус устар 6 күнүгэр «Бичик» национальнай кинигэ кыһатыгар Герасим Герасимович олоҕун, айар үлэтин сырдатар кинигэ бэчээттэнэн таҕыста.
Саҥа кинигэ биһирэмэ муус устар 28 күнүгэр ХИФУ учуонай сэбиэтин саалатыгар (УЛК, Белинскэй уул.58) буолуоҕа. Биһирэмҥэ кыттыыны ылыан баҕалаах дьон ХИФУ научнай библиотекатыгар (212 каб.) биллиҥ. Билсэр төлөпүөннэргит: 35-24-76; 8-914-107-61-64; 8-964-428-07-78.
Герасим ЛЕВИН — филологическай наука доктора, М.К. Аммосов аатынан Хотугулуу-Илиҥҥи федеральнай университет доцена, ХИФУ Сурук-бичик түмэлин дириэктэрин солбуйааччы, Саха Өрѳспүүбүлүкэтин Наукаларын академиятын руна уонна биллибэт суруктары үөрэтии салаатын бэрэссэдээтэлэ, саха тылын аан дойду таhымыгар таһаарбыт бөдөҥ тюрколог-учуонай.
Хаартыска: интэриниэттэн.