Сүрүн

Георгий Никонов: “Саха сирэ Арассыыйа форпоста буолара — историческай чахчы”

Ил Дархан сүбэһитэ, «Улуу сырыылар суолларынан» бырайыак ааптара Георгий Никонов «Сэмсэ санаа» биэриигэ интервью биэрдэ.

Соторутааҕыта «Улуу сырыылар суолларынан» бырайыак чэрчитинэн саҥа документальнай киинэ «Моя планета» телеканалга сүрэхтэммитэ. Киинэҕэ нуучча чулуу айанньыта Семен Дежнев айанын, олохтоох омуктар киниэхэ хайдах көмө-ама буолбуттарын, Арассыыйа Уһук Илини холбооһунугар сахалар киллэрбит кылааттарын арылхайдык көрдөрбүттэр.

Георгий Никонов бырайыак хайдах саҕаламмытын, туох сыаллааҕын-соруктааҕын ирэ-хоро кэпсээтэ.

Кини этэринэн, уонча сыллааҕыта, бырайыак саҥа тахсан эрдэҕинэ, Саха сирин норуоттарын Арассыыйа империятыгар киллэрбит өҥөлөрүн, кылааттарын туһунан улаханнык сыаналаабат, соччо итэҕэйбэт эбиттэр. Билигин Саха сирэ Уһук Илини арыйыыга тумус буолбутун туһунан билинэллэр. “Ити көннөрү лозунг эрэ буолбатах, историческай чинчийиилэргэ олоҕурбут чахчы”, — диир бырайыак ааптара.

Интервью сарсын ыам ыйын 14 күнүгэр киэһээ 17.30 чааска Саха НКИХ каналга тахсыаҕа. «Саха сирэ» хаһыакка кэлэр чэппиэргэ бэчээттэниэҕэ.

Биэрииттэн быһа тардыыны көрүҥ.

«Саха сирэ» хаһыат

1
0
Telegram @edersaas20