2008 сыллааҕы Олимпиада буоксаҕа боруонса призера, 2002, 2004, 2006 сыллааҕы Европа чөмпүйүөнэ, Арассыыйа элбэх төгүллээх чөмпүйүөнэ Георгий Балакшин Ил Дархан сүбэһитинэн ананна. Бу туһунан Ыйаахха Ил Дархан Айсен Николаев бүгүн, ыам ыйын 11 күнүгэр, илии баттаата.
Ыспыраапка:
Георгий Русланович Балакшин 1980 сыллаахха кулун тутар 6 күнүгэр Саха АССР Ленинскэй оройуонугар күн сирин көрбүтэ. Тоҕус сааһыттан Артур Пахомов салайыытынан буоксанан утумнаахтык дьарыктанан саҕалаабыта.
1997 сылтан — Дьокуускайга успуорт үрдүкү маастарыстыбатын оскуолатыгар тириэньэр-преподаватель;
2006 сыллаахха — СГУ Физкултуураҕа уонна успуорка институтун бүтэрбитэ;
2008-2013 сс. — Ил Түмэн дьокутаата;
2010 сыллаахха РФ Федерациятын сэбиэтигэр Саха сирин Судаарыстыбаннай мунньаҕын бэрэстэбиитэлинэн талыллыбыта;
2013 сыллаахх — СӨ Успуорт миниистирин бастакы солбуйааччыта;
2016-2018 сс. — СӨ Успуордун миниистирэ.