Кыайыы волонтердара Саха сиригэр аҕыс тыһыынчаттан тахса Георгиевскай лиэнтэни түҥэтиэхтэрэ.
edersaas.ru
Кыайыы волонтердара Улуу Кыайыы үбүлүөйдээх сылыгар, барыта аҕыс тыһыынчаттан тахса Георгиевскай лиэнтэни түҥэтэр былааннаахтар.
Бу туһунан СӨ ыччат дьыалатыгар уонна социальнай коммуникацияҕа министиэристибэ иһитиннэрдэ. Дьокуускай куоракка коронавирус дьаҥын кэмигэр үлэлиирэ тохтотуллубатах атыы-эргиэн 10 туочукатыгар баар буолуоҕа диэн иһитиннэрэллэр.
Лиэнтэлэри маннык аадырыстартан ылыаххытын сөп:
— Богдан Чижик уул. 33 Б 1 ст. «777» маҕаһыыҥҥа;
-Губин уул. 2в, «777» маҕаһыыҥҥа;
-Кальвица, 14/5, «Айгуль» маҕаһыыҥҥа,
-Петр Алексеев уул., 73, «Айгуль» маҕаһыыҥҥа;
-Октябрьскай уул., 23, «Айгуль» маҕаһыыҥҥа;
-Киров уул., 17/5, «Айгуль»маҕаһыыҥҥа;
-Ленин уул., 42, дьуһуурунай аптекаҕа;
— Лермонтов уул., 49, «РОЗТОР» маҕаһыыҥҥа;
— Курашов уул, 46, «РОЗТОР» маҕаһыыҥҥа
— Орджоникидзе уул., 10/1, «Рости» маҕаһыыҥҥа.
Маны сэргэ, волонтердар өрөспүүбүлүкэтээҕи куорпустара Георгиевскай лиэнтэлэри дьиэлэригэр хааччахтанан олорор аҕам саастаахтарга астарын-үөллэрин, эмтэрин-томторун кытары тэҥҥэ илдьэн биэриэхтэрэ.
Аахсыйаҕа онлайн нөҥүө кыттыһыахха эмиэ сөп. Онно социальнай ситимнэргэ Георгиевскай лиэнтэлээх «Георгиевскай лиэнтэ — бу… » диэн видеонан эҕэрдэҕитинэтэҕит. Бу аахсыйаҕа ыччат тэрилтэлэрин лиидэрдэрэ номнуо кыттыстылар. Билиҥҥи туругунан ,аахсыйа кыттыылаахтарын видео-эҕэрдэлэрин биэс тыһыынчаттан тахса киһи көрдө.
Кыайыы волонтердара Skill Cup үөрэтэр платформаҕа Георгиевскай лиэнтэ туһунан анал кууруһу тэрийдилэр. Онно Кыайыы бэлиэтин, аахсыйа кодексын, уордьаннаах биллэр-көстөр дьон, лиэнтэни хайдах кэтэр туһунан, о.д.а. олус интэриэһинэйи көрүөххүт, ааҕыаххыт.
СӨ Ил Дарханын уонна Бырабыыталыстыбатын пресс-сулууспата