Кыайыы волонтердара Саха сиригэр 15 тыһыынчаттан тахса Георгиевскай лиэнтэни түҥэтиэхтэрэ.
Туһааннаах аахсыйа өрөспүүбүлүкэ бары улуустарыгар ыытыллар. Дьокуускай куоракка 17:00 чаастан 20:00 чааска диэри Ленин, Кыайыы, Орджоникидзе уонна Доҕордоһуу болуоссатыгар волонтердар Георгиевскай лиэнтэлэри түҥэтиэхтэрэ.
«Кыайыы волонтердара» Арассыыйатааҕы хамсааһын Саха сиринээҕи салаатын координатора Алгыс Петров иһитиннэрбитинэн, бүгүҥҥү туругунан өрөспүүбүлүкэҕэ 28 сэрии кыттыылааҕа-бэтэрээнэ олорор.
Санатан эттэххэ, «Георгиевскай лиэнтэ» аахсыйа ыам ыйын 9 күнүгэр диэри ыытыллыаҕа.
edersaas.ru
+1
+1
+1
+1
+1
+1
+1