Украина-Арассыыйа сыһыаннаһыыларыгар Саха сирин араас идэлээх дьоно бэйэлэрин санааларын үллэстэллэр.
Историк, политолог, бэчээт бэтэрээнэ Николай Ребров:
— Тус бэйэм, геополитическай былаанынан Арассыыйа саамай сөптөөх хамсаныыны оҥордо дии саныыбын. Биллэн турар, экэнэмиичэскэй өттүнэн билигин уустуктардаах буолуоҕа. Ол эрээри, бу кэнниттэн дойдулар икки ардыларыгар сыһыан уларыйыаҕа, норуоттар икки ардыларынааҕы сокуоннар тутуһуллуохтара. Билигин кэлтэйдии биир дойду дьайыыта көстөр. Онон дойду бэрэсидьиэнин дьаһала сөптөөх, итинтэн атыннык салаллыан табыллыбат. Иккиһинэн, Украинаны билигин уҕарыппатахпытына кэлин кутталы үөскэтиэхтэрин сөп. Кырааныыссаны бөҕөргөтөр саамай сөптөөх хамсаныы.
Тус бэйэм, аан дойду дьоно аны биэс уонча сылынан улуу киһи Путин кэлэн норуоттар икки ардыларынааҕы сыһыаннаһыыларга бэрээдэги олохтообута диэн этиэхтэрэ дии саныыбын. Билигин уустук буолуо, ол эрээри, дойду лидерэ Арассыыйа кэнэҕэскитин көрөр, толкуйдуур, — диэн санаатын этэр.
Людмила ПОПОВА, “Саха сирэ” хаһыат, edersaas.ru