Маны аах Нацбырайыактар Тыа хаһаайыстыбата

Гектар сокуонугар тирэҕирэн, Булуҥ «уһугунна»

“Уһук Илиҥҥи федеральнай уокурук састаабыгар киирсэр РФ субъектарын сиригэр-уотугар судаарыстыбаннай, муниципальнай бас билиигэ баар сир учаастактарын гражданнарга биэрии уратытын уонна РФ сорох сокуоннарын актатыгар уларытыылары киллэрии туһунан” сокуон 2016 сылтан үлэлиир.


Бу сокуон чэрчитигэр 2019 сыллаахтан саҥа поселениялары төрүттээһин бырайыага киллэриллибитэ. Саха Өрөспүүбүлүкэтигэр түөрт бөһүөлэги сайыннарарга былаан ылыллыбыта, онтон биирдэстэрэ – Амма улууһун Маайыскай нэһилиэгэр баар Булуҥ учаастага буолар. Ити учаастак 1980-с сыллардаахха Амма кырыс сирин туһаҕа таһаарыы хамсааһынынан тутуллан иһэн тохтообута. Өрүс үрдүгэр турар, өҥ сирдээх-уоттаах, кэрэ айылҕалаах учаастак саҥа тыыны ылла. Билигин манна хас да саҥа дьиэ, сайылыктар тутулуннулар.

— Булуҥ учаастагар биһиги дьиэ кэргэнинэн баран кэлбиппит. Уонтан тахса дьиэ тутуллубут, сорохторо икки эттээстээх коттеджтар, ханан, ханнык уулусса барыахтааҕа барыта быһаарыллыбыт. Биир уулуссаны мин аҕам, сэбиэскэй-партийнай үлэһит, Амма кырыс сирин туһаҕа таһаарыыга сыратын уурбут Максим Николаевич Сибиряков аатынан ааттаабыттарын көрөн олус долгуйбутум, — диир Амма сэлиэнньэтин олохтооҕо Анастасия Чекальдина.

Раиса Сибирякова, «Саха сирэ». edersaas.ru

1
0