Гульсум Бейсембаева: «Ил Дархан отчуотун медиа-презентациялаах оҥордо»
Ыам ыйын 22 күнүгэр Ил Дархан Егор Борисов дьокутааттарга СӨ бырабыыталыстыбатын ааспыт сыллааҕы үлэтин отчуоттаата. Дьокутааттар Егор Борисов дакылаатын аан бастакытын медиа-презентациялаах ыытта диэн бэлиэтээтилэр.
Ил Түмэн бэйэни салайыныы боппуруостарыгар комитетын бастайааннай бэрэссэдээтэлин солбуйааччы Гульсум Бейсембаева:
— “Өрөспүүбүлүкэ баһылыга структура туох баар үлэтин уонна буолар тэрээһиннэри киллэрэн толору отчуоттаата. Маныаха, кини бастакытын медиа-презентациялаах дакылааттаата. Барыта харахха быраҕыллар, статистикалар көстөллөр, киһи ырытарыгар өйдөнүмтүө. Егор Афанасьевич бэйэни салайыныы уорганнарыгар, чуолаан үөрэхтээһин уонна култуура боппуруостарыгар болҕомтотун уурарын бэлиэтиибин”, — диэн санаатын үллэстэр.
Гульсум Бейсембаева Егор Борисов уопсастыбаннаһы уонна прессаны кытта кэпсэтэргэ куруук бэлэмин туһунан эттэ. Кини маны сөптөөх бэлиитикэнэн ааҕар, норуот былааска хайдах сыһыаннаһара баһылык санаатыттан тутулуктаах диэн быһаарар. edersaas.ru