“Газпром СПГ технологии” Саха сиригэр убатыллыбыт гааһы оҥорор собуоту тутуу былаанын билиһиннэрдэ

Ааптар: 
Бөлөххө киир:

Саха сиригэр тутуллуохтаах собуот туһунан манна ааҕыҥ: 

Балаҕан ыйын 14 күнүгэр Петербурдааҕы XI норуоттар икки ардыларынааҕы гаас пуорумугар  Саха сирин баһылыга Айсен Николаев уонна “Газпром СПГ технологии” ХЭТ дириэктэрдэрин сэбиэтин бэрэссэдээтэлэ Алексей Кахидзе Аллараа Бэстээххэ СПГ-собуоту тутуу түһүмэхтэрин дьүүллэстилэр.

Петербурдааҕы норуоттар икки ардыларынааҕы экэниэмикэ пуорумун кэмигэр биһиги Аллараа Бэстээх бөһүөлэгэр убатыллыбыт айылҕа гааһын оҥорон таһаарар собуоту тутар туһунан сөбүлэһиигэ илии баттастыбыт. Бүгүн нэһилиэнньэлээх пууннары автономнай гаастааһыҥҥа уонна СПГ-га тырааныспары көһөрүүгэ бөдөҥ эбийиэги олоххо киллэриини дьүүллэстибит”, — диэтэ Айсен Николаев.

Тустаах бородууксуйанан ырыынагы хааччыйыыга Саха сирэ кэккэ инвестордары кытта үлэлэһэр.  2030 сылга убатыллыбыт гааһы оҥорон таһаарыы дьиҥнээх кээмэйэ 500 тыһ. туоннаҕа тиийэр кыахтаах.

Өрөспүүбүлүкэҕэ 2016 сылтан 12 тыһ туонна кыамталаах маннык гааһы оҥорон таһаараллар уонна бу көмөтүнэн тимир суол 8 ыстаансыйата уонна Алдан коурат биир хочуолунайа хааччыллар. Баазаҕа КриоАЗС үлэлээн, эрэгийиэҥҥэ гааһынан үлэлиир мотуор сайдыытыгар төһүү буолла. Бүгүн Саха сирин Тимир суоллара убатыллыбыт гааһынан КАМАЗ 50 тягаһын үлэлэтэр, ону тэҥэ тепловозка уонна локомотивтар 2 секцияларыгар туһаналлар.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата

Бэлэмнээтэ Женни Стрюкова

Хаартыска: тустаах саайтан

+1
0
+1
0
+1
0
+1
0
+1
0
+1
0
+1
0