Маны аах Успуорт

Гаврил Вырдылин: «Гиирэ успуорда инникилээх»

Бүгүн гиирэ күрэхтэһиитигэр дьахталлар уонна эр дьон икки ыйааһыҥҥа киирсибиттэрэ. Тааттатааҕы Норуот айымньытын дьиэтин дириэктэрэ,  улуустааҕы гиирэ успуордун федерациятын салайааччыта Гаврил Вырдылин гиирэ күрэхтэһиитигэр кыттынна. 

— Бүгүҥҥү түмүгүнэн биһиги хамаандабыт ахсыс миэстэҕэ таҕыста.  Дьахталларга  63-тэн үөһээ  ыйааһыҥҥа Диана Петрова  үһүс миэстэ буолла.

Диана Петрова улуус хамаандатыгар бастакы мэтээли бүгүн аҕалла.

Мин  бу саас 73 киилэҕэ бэйэм ыйааһыммар кыттан онус буолбутум. Путевка сэттэ иһигэр киирбиттэргэ  бэриллибитэ. Онно  68 киилэҕэ  Белолюбскай Стас  бэһис миэстэҕэ тахсан путевка ылбыта. Ол гынан баран, доруобуйатын туругунан сатаан кыттыбата. Инньэ гынан мин эбии эрчиллэн, биэс киилэ ыйааһын түһэрэн, туһааннаах ыйааһыҥҥа путевка ылан,  бүгүн  күрэхтэстим. Сэттэ киһиттэн биир киһи кыттыбакка, алтыс буоллум.   Түгэнинэн туһанан, тэрийээччилэргэ, уус алданнарга махтанабын. Гиирэ успуорда инникилээх көрүҥ. Кыттааччы ахсаана сыллата элбээн иһэр. Онон успуордунан дьарыктаныҥ диэн этиэм этэ, — диэн  Гаврил Вырдылин бүгүҥҥү күрэхтэһии туһунан кэпсээтэ.

 

Гиирэ күрэхтэһиитигэр хамаанданани түмүк сарсын биллиэхтээх.

 

 

edersaas.ru

0
0
Telegram @edersaas20