Байыаннай дьайыылар ассоциацияларын салайааччытын солбуйааччы Гаврил Кононов уол оҕо, эр киһи дойдутун көмүскүүргэ бэлэм буолуохтааҕын этэр.
– Мин тус бэйэм аармыйаҕа сулууспалыы сылдьан биэс төгүл Чечняҕа, Хотугу Кавказка байыаннай дьайыыларга сылдьыбытым. Снайперынан. Сэрии диэн сэрии, ханна баҕарар биир. Син биир өлүү-сүтүү баар. 90-с сыллар бүтүүлэригэр, 2000 сыллар саҕаланыыларыгар буолбут байыаннай дьайыыларга Саха сирин уолаттара, омугуттан, сааһыттан тутулуга суох, сытыы харахтаах, чуор кулгаахтаах снайпердар, хорсун буойуннар быһыытынан көрдөрбүттэрэ. Сэриигэ сырыттахха киһи бэйэтин олоҕун туһунан толкуйдаабат, аттыгар сылдьар доҕотторуҥ туһунан саныыгын. Биллэн турар, дьоммутугар, дьиэ кэргэммитигэр биһигини байыаннай дьайыыларга ыытар олус уустук этэ. Ол эрээри уол оҕо, эр киһи бэйэтин дойдутун көмүскүүргэ бэлэм буолуохтаах дии саныыбын. Бу соторутааҕыта Донецкайга баран кэлбиппит. Олохтоохтор Арассыыйа биһиэхэ көмөҕө кэллэ диэн олус үөрэллэр. Онно тоҕо эрэ киһи биһиги атын дойдуга кэллибит, тоҕо сэриилэһэ сылдьабыт диэн санаабат, биһиги дойдубутун көмүскүүбүт, онтон атын суох, – диэн бэлиэтиир кини.
Аграфена КУЗЬМИНА
Хаартыска — интэриниэт ситимиттэн