Гаврил Алексеев: «Судаарыстыба биир кэлим түмсүүлээх буоларын күүһүрдүө, дьиэ кэргэн сыаннаһын үрдэтиэ»
«Сахаэнерго» хампаанньа — Сахабыт сирин 97 000 нэһилиэнньэлээх 2,4 мөл. кв. км иэннээх сирдээх 23 улууһун уотунан уонна сылааһынан хааччыйар тыын суолталаах улахан тэрилтэ. «Сахаэнерго» 100% «Якутскэнерго» иһинэн тэриллибитэ, оттон «Якутскэнерго» Арассыыйа үрдүнэн уот ситимин тардар «РусГидро» бөлөҕөр киирэр.
От ыйын 1 күнүгэр буолаары турар быыбарга дойду Төрүт Сокуонугар киириэхтээх уларыйыы туһунан «Сахаэнерго» генеральнай дириэктэрэ Гаврил Алексеев санаатын үллэстэр:
— Төрүт Сокуону саҥардарга бүтүн Арассыыйатааҕы куоластааһын биһиги дойдубут хас биирдии олохтооҕор улахан суолталаах. Тус бэйэм быыбарга булгуччу барабын, биир идэлээхтэрим эмиэ куоластааһыҥҥа бэйэлэрин бырааптарын туһаныахтара дии саныыбын. Биһиги быһаарыныыбытыттан инники олохпут, оҕолорбут, кэнэҕэс көлүөнэ кэскилэ тутулуктаах.
Куоластааһын Арассыыйа аан дойдуга оруолун биллэриэ, дойдуну салайарга дьон быраабын кэҥэтиэ, аҕа саастаах дьоҥҥо ытыктабылы үрдэтиэ, дьоһун сааһы бэлэхтиэ.
Киириэхтээх уларытыы судаарыстыба биир кэлим түмсүүлээх буоларын күүһүрдүө, дьиэ кэргэн сыаннаһын үрдэтиэ. Билиҥҥи эпидемиологическай балаһыанньаны учуоттаан туран, дьон доруобуйатын харыстыырга бары миэрэни ылаллар. Быыбардыыр учаастакка дьон таһырдьа куоластыаҕа, миэстэтигэр санитарнай сууйуу-сотуу ыытыллыаҕа, итиэннэ «Госуслуги» нөҥүө дьиэҕэ олорон онлайн куоластыахха сөп.
Онон бу быыбар нэһилиэнньэ доруобуйатыгар куттала суохтук ааһыаҕа диэн бигэ эрэнэбит!
edersaas.ru