Гаврил Алексеев: «Сахаэнерго» ыстаансыйалара хоту сир сайдыытыгар төһүү күүс буолуохтара!»

Ааптар: 
Бөлөххө киир:

«Сахаэнерго» АУо генеральнай дириэктэрэ (ПАО «Якутскэнерго» алын тэрилтэтэ, РусГидро бөлөххө киирэр) Гаврил Алексеев, производственнай киин дириэктэрэ Владислав Пак Уус Маайа уонна Алдан улуустарыгар турбут дизель электростанцияларын үлэлэрин сыаналаан көрдүлэр.

Кинилэр олунньу 8-12 күннэригэр бу электростанцияларга үлэлиир кэлэктииптэри кытта көрүстүлэр. Уус Маайа улууһугар Эдьээҥҥэ, Троицкайга, Бэлкэчиигэ, Уус Миилгэ уонна Алдан улууһугар Кутанаҕа, Чагдаҕа, Угайааҥҥа, Үөһээ Аммаҕа, Улууга уот ыстаансыйатын оператордарын, ону таһынан Кутана уонна Чагда муниципальнай тэрилтэ салайааччыларын кытары көрүстүлэр.

Гаврил Николаевич ааспыт сайын бэриллибит сорудахтар толоруллууларын билсэн баран, улахан үлэ барбытын блиэтээтэ. Ол курдук, Бэлкэчиигэ ыстаансыйа маастара Вакиль Садыков үлэһиттэрин кытта итиини биэрэр систиэмэни олоччу өрөмүөннээбиттэр, трансформаторнай подстанциялар этэҥҥэ үлэлии тураллара хаачыллыбыт. Эдьээн үлэһиттэрэ эдэр маастардар Артем Винокуров салалтатынан ититии тиһигэр бэрийии, өрөмүөн үлэтин ыыппыттар, оператор олорор сирин монтажтаан түмүктээбиттэр. Уус Миилгэ уонна Чагдаҕа энергетиктэр тутуулары аныгы матырыйаалларынан саҥардыбыттар.

— Бу дизель ыстаансыйаларын сэлиэнньэлэргэ Сахаэнерго аҕыйах сыллааҕыта тэрийбитэ. Оччолорго улуустарга үлэлии турбут уот ыстаансыйаларын баазаларыгар уларыйыылар ирдэнэллэрэ. Дьокуускайдааҕы производственнай киин көмөтүнэн ыстаансыйалар саҥардыллан, элбэх уларыйыы киирэн, билигин бу эбийиэктэр таһымнара биллэ уларыйда. Саҥа технологиялар көмөлөрүнэн энергиянан хааччыйыы саахала суох үлэлиир, үлэһиттэр санитарнай усулуобуйалара тубуста, үлэҕэ сыһыан уларыйда. Үөһээ Амма уонна Өлүөхүмэ сэлиэнньэлэригэр үлэлиир ыстаансыйалары атыттарга холобурдуохха сөп. «Сахаэнерго» дизельнэй ыстаансыйалара хотугу сирдэр сайдыыларыгар төһүү күүс буолуохтара! — диэтэ Гаврил Алексеев.

«Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0